彼得漢卡

出自維基百科,自由嘅百科全書
跳去導覽 跳去搵嘢
彼得 漢卡

彼得 漢卡,又譯彼得漢德克Peter Handke1942年12月6號—),係奧地利小說家、劇作家、翻譯家、詩人、電影導演同編劇。 佢亦係2014年國際易卜生獎、2019年諾貝爾文學獎得主。

生平[編輯]

漢卡響奧地利格里芬出世,出世之後兩日受洗做天主教徒。老豆艾力希勳納曼(Erich Schönemann)係一位銀行職員兼德國士兵;阿媽瑪麗亞漢卡(Maria Handke)係斯洛文尼亞人,而漢卡係私生仔女。阿媽響佢出世之後同柏林電車車掌兼德意志國防軍軍人阿道夫布諾漢卡(Adolf Bruno Handke)結婚。由於繼父酗酒,所以繼父對佢並唔好。

一九五四年,漢卡畀人送去一間喺格蘭河畔聖法伊特嘅寄宿男校讀書。一九五九年,佢到克拉根福升讀高中。一九六一年入讀格拉茨大學攻讀法律系。

廿世紀六十年代尾,彼得漢卡因戲劇 Publikumsbeschimpfung 同《卡斯帕》,以及小說《守門員的焦慮》(Die Angst des Tormanns beim Elfmeter)而廣為人知。佢呀媽一九七一年自殺嘅刺激之下,佢嘅《無欲的悲歌》(Wunschloses Unglück)表現咗佢呀媽嘅人生。漢卡係奧地利 Grazer Gruppe 同 Grazer Autorenversammlung 兩間作家會嘅成員,仲有份創辦法蘭克福 Verlag der Autoren 出版社。仲同導演雲溫達斯合作,創作咗 The Wrong Move 同《柏林蒼穹下》呢啲劇本。

二〇一九年攞到諾貝爾文學獎,原因係「佢嘅作品具有語言獨創性、探索人類經驗嘅外圍同特殊性」[1]。雖然有人讚漢卡攞到諾貝爾文學獎係實至名歸,但係呢個決定都受到國際上唔同公共同學術界嘅知識分子、作家同記者譴責,話漢卡支持米洛舍維奇同否認波斯尼亞種族滅絕;另外漢卡曾經響二〇一三年話支持廢除諾貝爾文學獎。

[編輯]

  1. "The Nobel Prize in Literature 2019". NobelPrize.org.