李存勗

李存勗

李存勗（885年12月2號—926年5月15號），係後唐開國皇帝，923年到926年在位，跟廟號叫唐莊宗。

一生

908年，晉王李克用過身，李存勗繼位晉王。913年攻佔幽州，捉咗劉仁恭劉守光父子，後尾殺咗佢哋。923年四月稱帝建立後唐，改用同光年號，同年滅咗後梁。925年滅前蜀。

不過，李存勗識得打天下，但就唔識治天下，晚年佢就重用伶人，荒廢朝政，926年佢就响興教門之變畀人殺咗，佢嘅結拜阿哥李嗣源做皇帝，就係後唐明宗。

評價

李存勗做皇帝之前，同後梁血戰十幾年，大大小小百幾場仗，驍勇善戰，可惜佢得到天下，就唔識得管治天下，寵幸伶人，重用宦官，又吝於銀錢，唔撫恤士卒，三年後因兵變被殺，失敗嘅速度咁快，亦係罕見。

• 北宋歐陽修寫《新五代史·伶官傳序》就係討論唐莊宗掛住玩、寵信樂官搞到亡國嘅史實，嘆惜佢「方其盛也，舉天下之豪傑復能與之爭；及其衰也，數十伶人困之，而身死國滅，為天下笑」，講明咗「憂勞可以興國，逸豫可以亡身」嘅歷史規律。
• 《舊五代史》就讚佢係「中興之主」，係大唐嘅合法繼承者，但係話鋒一轉，隨即批評佢「忘櫛沐之艱難，徇色禽之荒樂」、「伶人亂政、靳吝貨財、大臣無罪以獲誅、眾口吞聲而避禍」。
• 朱晃曾經評價佢：「生仔就要生得好似唐莊宗咁樣嘅，後唐太祖嘅基業就唔會滅亡！至於話我嘅仔，豬狗不如嚟咋！」