徐國勇

徐國勇

徐國勇（1958年6月7號—）係台灣政治人物，民進黨成員，做過中華民國內政部長、立法委員。

家庭

佢個女徐慧娟亦喺民進黨入面一啲團隊工作。徐慧娟雖然保持低調，無刻意同人講佢老豆係邊個，所以之前關係未被公開。但因為國民黨徐巧芯喺2022年地方選舉期間，公開民進黨台北市長參選人陳時中競辦通訊錄，揭露咗呢段父女關係，當時引起社會一啲討論。

爭議

支持基進吳欣岱分裂民進黨

喺第11屆中華民國立法委員選舉，身為民進黨成員嘅徐國勇，連同黨友姚文智、王必勝喺臺北市第四選舉區未有支持民進黨嘅代表，競逐連任嘅高嘉瑜，而係支持基進吳欣岱搶奪高嘉瑜嘅席位，做法令民進黨綠營分裂，引起外間一啲討論。

被指喺在台港人定居申請同台灣激進親中勢力問題上雙重標準

内文：民進黨涉港言論同政策爭議

喺香港反送中運動期間，喺台灣嘅民進黨高調聲援香港人爭取民主，當時得到一啲掌聲，但之後民進黨一啲主要人物(例如王必勝、梁文傑同林靜儀)就先後發表一啲對香港人唔係咁友善嘅言論，甚至涉及資訊造假，而且喺一啲對在台港人嘅政策上亦引起咗一啲批評。2025年4月，有學者喺學術期刊International Review on Public and Nonprofit Marketing 上面發表文章，點名批評前內政部部長徐國勇，一方面對香港人嘅移民定居申請咁嚴格，另一方面對喺台灣嘅激進親中勢力咁寬容，係矛盾嘅做法。當好多香港民主派嘅人士都有喺香港公立大學工作嘅經歷（例：黃碧雲，毛孟靜，張超雄，陳家洛）嘅時候，台灣政府唔應該將曾經喺香港公立大學工作，就當作台灣嘅國家安全風險，正如國民黨主席朱立倫喺蔡英文擔任總統嘅時候都曾經喺國立臺灣大學工作，但無人會將咁樣嘅關係視作朱立倫支持蔡英文或民進黨。