得分

得分（粵音：dak1 fan1）係指某場遊戲中，由個體玩家或者團隊具有嘅數值，通常做嗰個玩家或者團隊「係咪成功」嘅指標；每當某位玩家或者團隊達到某啲指標嗰陣，佢（哋）就會得到分數，而等到遊戲限時到嗰時，得分較高嗰一方就會贏，又或者最先攞到若干分數嗰一方贏。

概念

• 排行榜（leaderboard）：一個顯示得分最高嗰 n 個玩家（n 數值視個別遊戲而定）嘅名同佢哋嘅得分嘅版，主要用嚟俾高分嘅玩家晒命，常見於網上遊戲同遊戲化。
• 得分乘數（multiplier）：指一個增加或者減少得分嘅效果，例：一隻平台遊戲，玩家有得喺進入一個關卡之前揀選一啲效果嚟用，其中一個效果係「令主角跑得快啲，但完成嗰一關嘅得分會扣 20%」（個效果嘅得分乘數係 0.8）－嗰一關會變易咗，但同時得分會少咗。