從屬子句

從屬子句係唔可以單獨做句子嘅子句，必須依附喺主要子句之下。從屬子句通常用嚟補充、限制、解釋或者指出條件，開頭通常會用到一啲連詞（例如因為、如果、但係）或者關係代詞（例如嘅、邊個）。例如：

「因為落雨，我冇出街。」— 因為落雨係從屬子句，要靠主句我冇出街先至完整。

「我見到你琴日講嗰個人。」— 你琴日講嗰個人含有從屬子句。

喺語法分析入面，分清楚從屬子句同主要子句好重要。

句法

内文：子句

子句係語句嘅基本句法單位，由主語同謂語組成，謂語通常會包含動詞。一段子句可以表達一個完整嘅諗法，亦可以係做較大語句嘅結構嘅一部分。子句可以分做兩大種：主要子句同從屬子句 ——前者係指能夠獨立存在嘅子句，語義上傾向表達到完整意思，而後者就係指唔能夠單獨存在嘅子句，語義上傾向表達唔到完整意思。從屬子句往往會透過因為、所以、但係等嘅連接詞黐落另外一段子句嗰道，形成一句有完整意思嘅語句。舉返個例子說明：

1. 主要子句：「香港而家落緊大雨。」
2. 從屬子句：「因為香港而家落緊大雨。」

——兩句嘢都有主語（香港）亦有謂語（而家落緊大雨），兩者嘅一個重要分別在於句 2 唔可以獨立成句，要褦埋（例如）我唔出街喇噉嘅語句，變成我唔出街喇，因為香港而家落緊大雨（想像講嘢嘅人同身處加拿大嘅親戚通緊話）先可以成為一個完整嘅意思。

睇埋

• 短語
• 語序
• 句尾助詞

參攷

文中用咗嘅詞彙嘅外語版：

文中引述咗嘅文獻同網頁：