循環論證

出自維基百科,自由嘅百科全書

循環論證circular reasoning),又有譯做循環推理,係一種邏輯謬論,簡單講即係「自己話自己係」,舉一個例,有一個人自己寫咗本書,本書係講一種唔知乜嘢怪物,之後同人講話呢個世界有呢種唔知乜嘢怪物,人哋問佢點証實,佢就話係自己本書講,但本書根本係佢自己寫,然後又自己話係,咁就叫做循環論證。

另一個循環論證例子叫竊取論點begging the question),簡單講即係以自己嘅結論去證明自己嘅論題,講一樣嘢之前已經假定咗一個大前提係啱,舉個例:「我哋一定要支持政府施政,確保社會安定」,但係政府施政未必實可以令社會安定,喺預先假定咗政府嘅決策一定唔會錯,然後叫人去支持政府,呢種就叫做竊取論點。

睇埋[編輯]