必打士

一支舊嘅「Kuyavian Stomach Essence」苦酒樽，嚟自德國波森（即而家波蘭Poznań）嘅苦味酒。

必打士（bitters）傳統上係一種浸咗各種植物材料嘅酒精嘢飲，味道偏苦或者帶少少苦甜。以前好多出名必打士牌子其實都係當專利藥賣，話有醫療功效；而家就多數當餐後酒、草本飲品，或者雞尾酒調味料用。

因為雞尾酒通常都有酸味同甜味，所以 bitters 就用嚟加返一種「苦味」，令成杯酒味道平衡啲、層次複雜啲，飲落更加完整 。

以前整 bitters 用嘅植物材料，多數係香草、樹皮、根莖同水果，因為佢哋又有味道又有人覺得有藥用價值。常見材料包括 cascarilla、桂皮（中國肉桂）、龍膽草、橙皮，同 cinchona 樹皮。

大部分 bitters 都含有水同酒精；酒精除咗本身有味，仲可以幫手溶解植物精華，同埋防腐。唔同牌子同種類嘅 bitters，酒精濃度可以差好遠。而家亦都有啲 bitters 會改用植物甘油整 ，等唔飲酒嘅人都可以飲到。