忠信堂、逸民堂

出自維基百科,自由嘅百科全書
(由忠信堂跳轉過嚟)
跳去導覽 跳去搵嘢
忠信堂
逸民堂

忠信堂、逸民堂,又名忠信.逸民堂(Hostel C)係香港嶺南大學六座學生宿舍之一,由忠信堂(長翼)同逸民堂(短翼)組成。喺南學生宿舍,建築物同林護堂(Hostel D)相連。

歷史同命名[編輯]

忠信堂、逸民堂喺1997年2月22號落成並入伙,首任宿舍舍監係嶺南大學歷史系助理教授劉智鵬博士。由於宿舍落成日期唔係喺學期初,宿生曾經喺掃管軍營暫住。

忠信堂喺1998年12月18號冠名,捐款人係林植宣博士(林珏嘅老豆、林棣權嘅阿爺),林博士係廣州嶺南大學校友,阿爸係林護先生。共五代嘅林氏家族成員亦喺嶺南嘅紅灰精神下接受教育,對廣州嶺南大學同香港嘅嶺南大學貢獻良多。係慶祝林氏祖業忠信置業有限公司成立七十週年,特以「忠信」為宿舍命名。

逸民堂喺1998年12月18號冠名,捐款人係李林建華夫人,宿舍命名係紀念李林建華夫人嘅先父林逸民先生。林逸民先生喺廣州嶺南小學同中學畢業[1],之後更喺唐山交通大學美國普渡大學哈佛大學攻讀土木工程學位同城市建設文憑。林逸民先生歷任廣州嶺南大學校董同美國嶺南基金會首位華人董事,更創辦咗嶺南同學總會同出任首任會長,對嶺南紅灰教育同發展貢獻良多。為紀念林逸民先生對嶺南大學嘅貢獻,教以「逸民」為係宿舍名[2]

忠信堂命名基石
逸民堂命名基石

建築間格同特色[編輯]

忠信堂、逸民堂樓高九層(包括底層),底層(LG)係洗衣房,地下係溫習室同娛樂室,一、二樓係男生宿舍,三樓至七樓係女生宿舍,八樓係舍監同高級導師嘅住宅。除八樓同底層外,每層都設有一個茶水間同兩個洗手間,而每層亦有雪櫃同電話等畀宿生用。

參考[編輯]

[編輯]

  1. 嶺南通訊(131期)- 林逸民校董息勞歸主
  2. 忠信堂、逸民堂命名基石

出面網頁[編輯]