意外捕撈

出自維基百科,自由嘅百科全書
Jump to navigation Jump to search

意外捕撈,或者叫雜魚,係漁業生態裡面嘅術語,指捉魚嘅時候除咗捉到想捉嘅嗰一種或幾種魚之外,重會捉到大量其它唔想捉嘅水生動物。

由於意外捕撈嘅價值低,所以通常漁民會將意外捕撈丟返落海,但係大部分意外捕撈嘅生物喺丟返落海之前已經死咗。所以意外捕撈係對海洋生態嘅嚴重破壞。近年來漁業逐漸向減少意外捕撈嘅方向發展。拖網係造成意外捕撈嘅一個典型例子。

不過意外捕撈亦唔一定冇商業價值。好多食得嘅雜魚喺捉到之後,會分開嚟賣出去。呢啲雜魚通常當小食嚟食,而唔係主菜,只係因為唔係個捕漁區嘅重點水產而分類做雜魚。