意大利王國

出自維基百科,自由嘅百科全書
Jump to navigation Jump to search
意大利王國旗

意大利王國(意大利文:Regno d'Italia)係1861年到1946年統治意大利嘅政權,係繼東羅馬帝國之後第一個幾乎控制澌成個意大利半島嘅政權。

歷史[編輯]

意大利王國嘅前身係薩伏亞王朝統治嘅薩丁尼亞王國。1860年三月,陀斯卡拿帕爾馬摩德納羅曼尼亞通過公投決定加入薩丁尼亞王國,形成今日嘅意大利嘅雛形。1870年普法戰爭期間,意大利軍隊趁拿破侖三世顧著應戰普魯士軍隊嘅機會,出兵攻打靠法國軍事保護嘅教宗國。吞併徂教宗國之後,意大利以教宗國嘅舊首都羅馬為自己嘅新首都,成為亞平寧半島嘅主宰——由於聖馬力諾喺意大利統一戰爭期間保護過好多因為支持統一而受教廷通緝嘅人,所以當聖馬力諾表示唔想成為意大利嘅一部份之後,意大利都無出兵攻打聖馬力諾。1922年開始,由墨索里尼領導嘅法西斯黨上臺執政,行法西斯主義,之後更參與軸心國,喺第二次世界大戰入面對抗同盟國,直到1943年墨索里尼倒臺之後先至掉轉槍頭。1946年,意大利就國家體制舉行全民公投,結果有54.3%嘅投票人支持共和制,國王翁伯托二世被迫退位,意大利成為共和國。