跳去內容

愛你 (大陸電視劇)

出自維基百科，自由嘅百科全書
愛你
The Best Thing
別名
  • 愛你，是我做過最好的事
  • 愛你是我做過最好的事
  • 愛上你是我做過最好的事
類型都市、愛情、偶像劇
格式網絡劇
原作《愛你，是我做過最好的事》
笙離作品
編劇歐思嘉
導演車亮逸
主演張凌赫（中文：张凌赫）、徐若晗（中文：徐若晗）
國家／地區中國大陸 中國大陸
語言普通話
集數参见集数列表
每集長度45分鐘
製作
拍攝／製作年份2024年
製作人
  • 熊曉玲、王風（總製片人）
  • 王雅楠、宋君妍、王辰
總監製王曉暉
拍攝地杭州、南京
發行許可（魯）劇審字（2024）第003號
播映
首播頻道愛奇藝、江蘇衛視
播出日期2025年2月25號 (2025-02-25)—3月13號 (2025-03-13)[1]

《愛你》（英文：The Best Thing ，原名《愛你，是我做過最好的事》）係2025年播出嘅一套中國大陸都市愛情劇，改編自中國大陸作家笙離嘅小說《愛你，是我做過最好的事》，由張凌赫（中文：张凌赫）同徐若晗（中文：徐若晗）領銜主演[2]，呢套劇由愛奇藝同埋酷鯨影視聯合出品。2025年2月25號起喺愛奇藝嘅戀戀劇場全網獨播，江蘇衛視獨家電視首播[3] 。

劇情簡介

[編輯]

酒店前廳部經理沈惜凡因為感情同工作問題突然開始失眠，佢去中醫診所睇醫生嗰陣時就遇到中醫醫生何蘇葉。沈惜凡因為做嘢忙而成日唔記得咗去攞藥，次次都搞到何蘇葉好頭痛。原本以為佢哋兩個只限喺醫生同病人嘅醫患關係，但係估都估唔到佢哋竟然住喺同一個屋苑裡面。一次又一次嘅不期而遇，令到佢哋兩個人之間嘅情愫慢慢開始萌芽。沈惜凡因為曾經有一段失敗嘅初戀而變到好小心，而何蘇葉嘅溫暖守護令到沈惜凡慢慢咁打開心扉，而佢對中醫事業嘅堅定同努力亦都鼓勵沈惜凡勇敢去追夢。佢哋兩個人嘅心逐漸咁靠近，彼此互相去治癒同鼓勵，最終有情人終成眷屬。

演員陣容

[編輯]

主角

[編輯]
演員 角色
（花名） 		介紹 粵語配音
張凌赫（中文：張凌赫）


（細個：羅梓爍） 		何蘇葉
  • 醫學世家出身嘅醫學博士；
  • 弘安門診所嘅中醫師；
  • 江州中醫藥大學附屬中醫院腫瘤科嘅主診中醫師；
  • 何對中醫充滿熱情，識得落廚煮藥膳料理，仲識得幫人針灸調理身體；
  • 何係個善良溫柔又有風度嘅男仔，無論係醫學研究定係感情，佢對追求嘅目標係清晰而堅定，仲絕對唔會輕易就話放棄；
  • 對於自己鍾意嘅人，何會喺尊重對方嘅前提下主動出擊。
 李凱傑


（細個：袁淑珍（中文：袁淑珍））
徐若晗（中文：徐若晗） 沈惜凡
（稀飯）
  • 古南華庭酒店嘅前廳部經理，做嘢嗰陣時專業有效率展現出超強嘅執行力同埋專業嘅質素；
  • 沈喺做嘢嗰陣時端莊知性，實則係充滿細路仔脾氣嘅女仔；
  • 沈同許向雅仲有林億深係識咗好多年嘅好朋友；
  • 沈曾經有一段７年咁長嘅初戀，但係佢唔自覺咁陷入咗感情PUA關係，搞到佢嚴重失眠；
  • 自從識咗中醫何蘇葉之後令到沈重拾對愛情嘅信任，亦令到佢明白同伴侶一齊應該係輕鬆自在，並唔係好似以前咁樣委屈求全；
  • 因為之前喺初戀受嘅情傷，直至遇到何蘇葉先至明白愛情嘅本質。
 黃昕瑜

配角

[編輯]
演員 角色
（花名）		 介紹 粵語配音
黃燦燦（中文：黃燦燦） 許向雅
（象牙）
  • 沈惜凡嘅老友；
  • 古南華庭酒店嘅餐飲部經理；
  • 同沈惜凡一齊喺酒店做咗７年嘢；
  • 同林億深喺大學就識仲互相鍾意，不過始終冇同對方坦白而一直喺度不斷錯過；
  • 最後接受林億深嘅表白而同佢喺埋一齊。
 魏惠娥（中文：魏惠娥）
王宥鈞 林億深
（林師兄）
  • 沈惜凡嘅老友；
  • 古南華庭酒店嘅市場部經理；
  • 同沈惜凡一齊喺酒店做咗７年嘢；
  • 同許向雅喺大學就識咗仲互相鍾意，不過始終都冇向對方坦白而一直喺度不斷錯過；
  • 最後成功表白同許向雅一齊。
 關令翹（中文：關令翹）
唐九洲（中文：唐九洲） 李介
  • 何蘇葉嘅師弟；
  • 江州中醫藥大學附屬中醫院嘅腫瘤科實習醫生；
  • 喺江州大學醫學院讀碩士；
  • 李係個陽光開朗、性格單純嘅大學生，暗戀佢嘅同學方可歆；
  • 李係何蘇葉阿公嘅實習學生，由何蘇葉帶住去實習；
  • 李同何兩個人由細識到大，李對何好崇拜，亦最鍾意講何壞話；
  • 身為初出茅廬嘅實習生，李喺醫院面對種種挑戰，佢憑藉住自己嘅活潑醒目同埋樂觀嘅態度，可以好快就適應職場環境。
 曹啟謙（中文：曹啟謙）
周益如 方可歆
  • 何蘇葉嘅師妹；
  • 江州中醫藥大學附屬中醫院嘅實習醫生，亦都係何蘇葉外公嘅學生；
  • 一直喺度暗戀何師兄，佢默默咁關注住何嘅生活同做嘢；
  • 喺一次同何傾完之後就由腫瘤科轉咗去婦科；
  • 作為醫生，方有紮實嘅醫學知識同專業技能，佢成日參與醫院嘅各項工作，用認真負責嘅態度嚟對待每個病人，展現出咗醫生嘅職業質素同責任感。
 成瑤孆

其他演員

[編輯]
演員 角色 介紹 香港配音
李建義（中文：李建義） 郁里仁
  • 男主角嘅外公；
  • 郁係個知識淵博嘅教授，亦都係杭市名中醫、杭市中醫藥學會常務理事、杭市中醫藥學會腫瘤專委會副主任委員、中華中醫學會腫瘤分會常務委員，喺學術界有一定嘅地位；
  • 佢成日指導碩士生，為佢哋解答疑惑，展現咗深厚嘅學術功底同埋嚴謹嘅治學態度；
  • 作為外公，郁私底下對何蘇葉亦都係關懷備至，成日關心佢嘅學習同生活。
 陳永信（中文：陳永信）
房子斌（中文：房子斌） 沈家平
  • 女主角嘅阿爸，劉曉明嘅老公；
  • 沈係個高中英文老師，思想開明，識得同自己個女講笑，營造出溫馨歡樂嘅家庭氣氛；
  • 佢同老婆劉曉明相處和諧，會同老婆商量生活裡面嘅嘢；
  • 沈係個風趣幽默嘅阿爸，佢從來唔會干涉自己個女份工，就算唔捨得對方去留學，亦都會忍痛選擇放手，畀個女百分百嘅支持同信任；
  • 佢係個喝咗酒就鍾意講英文嘅人。
 潘文柏（中文：潘文柏）
劉威葳（中文：劉威葳） 劉曉明
  • 女主角嘅阿媽，沈家平嘅老婆；
  • 佢哋兩公婆組成咗一個和諧美滿嘅屋企；
  • 佢哋兩公婆係一對幽默嘅父母，非常關心個女嘅婚姻問題，成日用積極嘅方式嚟參與阿女嘅生活，總係可以保持冷靜同樂觀，為屋企人帶嚟正能量；
  • 劉嘅呢種性格特徵唔單止令屋企嘅氣氛更加和諧，亦都為阿女嘅成長提供咗好好嘅環境；
  • 劉同佢個女嘅關係親密無間，佢哋之間好似朋友咁樣相處，大家分享心事同埋秘密；
  • 佢喺面對個女嘅選擇嗰陣時，會畀佢建議提醒同埋觀點，唔會干涉佢個女做嘢同生活；
  • 就算唔捨得自己個女去留學，亦都會甘願放手，對個女嘅眼光同選擇百分百支持。
 陸惠玲
果靖霖（中文：果靖霖） 何盛
  • 男主角嘅阿爸；
  • 何係個喺專業領域有卓越成就嘅知名心臟外科專家，喺心臟外科領域有好高嘅地位同影響力，成日參與重要嘅醫療交流活動；
  • 不過何嘅家庭關係都幾複雜，佢同老婆郁年香嘅關係比較冷淡，佢哋兩個人之間冇乜溝通同理解；
  • 郁年香當年為咗嫁畀佢而不惜同自己阿爸嘈得好犀利，搞到關係好僵，不過咁樣冇改善到佢哋兩公婆嘅關係；
  • 何對自己個仔何蘇葉亦都顯得幾冷漠，尤其喺佢嘅揀科嘅選擇上面，佢想個仔可以繼承佢嘅衣缽做西醫，但係何蘇葉就揀咗中醫，呢樣嘢搞到佢哋兩父子之間嘅關係更加疏遠；
  • 何後尾喺沈惜凡嘅幫手之下同個仔嘅關係漸漸咁緩解和好返。
 招世亮（中文：招世亮）
吳希澤（中文：吳希澤） 嚴恒
  • 女主角嘅前男友；
  • 佢同沈惜凡由大學一年班就開始拍咗７年咁長嘅拖；
  • 佢對沈惜凡嘅態度隨住時間嘅推進而逐漸咁變得冷淡，甚至喺言語同行為上輕視佢；
  • 嚴嫌棄沈做嘅係服務業工作，否定佢出國留學嘅夢想仲要求佢結咗婚之後辭職；
  • 呢啲態度嘅轉變搞到沈覺得痛苦同失望，最後嚴恆提出咗分手仲消失埋；
  • 後嚟嚴創業初見成效，趁住嚟杭市出差嘅機會又再突然出現話想同沈復合仲重新發起猛烈嘅追求，差啲搞到沈逐漸好返嘅心又再一次崩潰；
  • 好彩沈喺何嘅陪伴下已經逐漸咁走出陰霾，嚴唯有接受現實黯然退出。
 李鎮然（中文：李鎮然）
程冠瑄 陳強 嚴恒嘅助理。
譚洋 嚴父 嚴恒嘅阿爸，中宇科技嘅董事長，反對細仔嚴恒同沈惜凡喺埋一齊，覺得沈惜凡配唔起佢哋屋企。 葉振聲
趙愷依 郁年香
  • 男主角嘅阿媽，何盛嘅老婆；
  • 嚟自中醫世家亦都係學中醫嘅；
  • 因為乳腺癌而過身；
  • 最鍾意嘅花係鬱金香。
馬東辰 宋峰 男主角嘅師兄，江州中醫藥大學附屬中醫院腫瘤科醫生，單身狗一名，想脫單但係一直識唔到女朋友。 黃啟昌（中文：黃啟昌）
張鷺（中文：張鷺） 劉韻慈 劉阿姨，酒店長者團嘅客人。
張宇檸 丁維 古南華庭酒店前廳部員工，前台接待員。 詹健兒（中文：詹健兒）
張子萌 孫佳靜 孫姑娘，弘安門中醫診所嘅護士。 張頌欣（中文：張頌欣）
賈雨萌 王姑娘 男主角阿爸嘅新女友，係個護士，同前夫有個仔。
趙暉 主任 男主角嘅上司，江州中醫藥大學附屬中醫院腫瘤科主任。
王子銘 趙澤 男主角嘅病人，兒童白血病患者。 張頌欣（中文：張頌欣）
畢雯珺（中文：畢雯珺） 大明星 酒店客人。
吳樾（中文：吳樾 (演員） 丁先生 喺酒店發脾氣嘅客人。 葉振聲
李敏 方女士 酒店客人。 袁淑珍（中文：袁淑珍）
陳翊安 邱天 男主角嘅師弟，醫院嘅實習醫生，讀緊碩士，亦都係何蘇葉外公嘅學生。 梁偉德（中文：梁偉德）
解鑫豪 顧平 男主角嘅師弟，醫院嘅實習醫生，讀緊碩士，亦都係何蘇葉外公嘅學生。 李致林（中文：李致林）
李紅陶 保安 男女主角所住屋苑嘅保安，亦都係佢哋兩個愛情嘅其中一個見證人。 陳卓智
唔清楚 老闆 早餐店同埋麻辣燙舖頭嘅老闆，亦都係男女主角愛情嘅其中一個見證人。 葉振聲
趙家伊 王常 王姑娘個仔，同佢阿媽一齊去到何家。
賈舒夷 吴萍 弘安門中醫診所嘅護士。 黃鳳英

製作

[編輯]

呢套劇喺2024年3月21號正式開機，同年嘅7月5號正式煞科[4][5][6]。

劇集原聲帶

[編輯]
《愛你》電視劇原聲帶[7][8]
曲序曲目填詞作曲編曲監製演唱
1.《你在我喜歡的世界裏》（主題曲）汪蘇瀧汪蘇瀧廖思璐汪蘇瀧汪蘇瀧
2.《最好時候》（蔓染霞光曲）林喬、金蝸牛午上都智文都智文林喬符雅凝（中文：符雅凝）、都智文
3.《Loving You》（暖遇心動曲）Ray Hou、張小鹿、楊上逸Ray HouRay Hou侯志堅Mika（英文：Mika (singer)）
4.《最好的事》（溫情迴響曲）崔軾玄侯志堅侯志堅侯志堅薩吉（中文：薩吉 (歌手)）
5.《白色戀人》（荼白純愛曲）楊欣至、袁天野魔笛、水禹楊岳峰、司嘉桐盛紫洋曹楊（中文：曹楊）
6.《愛你的心事》（情意延綿曲）徐思思曾締James YeoElena颜人中（中文：颜人中）
7.《沉香》（青艾醇戀曲）徐思思曾締James YeoElena伯遠（中文：伯遠）

參考文獻

[編輯]
  1. ↑ 电视剧爱你 (2025-02-25)。〈《爱你》追剧日历〉。《新浪微博》 (中國中文)。喺2025-03-10搵到。
  2. ↑ 〈张凌赫拍现偶我很放心！新剧《爱你是我做过最好的事》路透照苏感爆棚，女主是95花的TA！〉。《Girlstyle 马来西亚女生日常》 (馬來西亞中文)。2024-04-19。原著喺2024-09-06歸檔。喺2024-09-06搵到。
  3. ↑ 〈新剧｜电视剧《爱你》定档2月25日，张凌赫徐若晗主演〉。《澎湃新闻》。喺2025-02-19搵到。
  4. ↑ 〈电视剧《爱你》开机，张凌赫、徐若晗领衔主演〉。《新京报》 (中國中文)。2024-03-21。原著喺2024-09-06歸檔。喺2024-09-06搵到。
  5. ↑ 〈电视剧《爱你》杀青，张凌赫、徐若晗领衔主演〉。《新京报》 (中國中文)。2024-07-05。原著喺2024-09-06歸檔。喺2024-07-05搵到。
  6. ↑ 〈《爱你》官宣开机 张凌赫徐若晗首搭演绎"新中式养生恋爱"〉。《北青网》 (中國中文)。2024-03-22。原著喺2025-06-24歸檔。喺2025-07-27搵到。
  7. ↑ 电视剧爱你 (2025-02-22)。〈#爱你OST阵容# 当你靠近，心跳似乎不再是单调的音符，而是和你演奏的序曲。@汪苏泷 @符雅凝·YENNY @都智文Baby-J @米卡MIKA @萨吉_Saji @曹杨Young @顏人中 @伯远〉。《微博》 (中文)。
  8. ↑ QQ音乐 (2025-02-23)。〈由@汪苏泷 作词、作曲、制作并演唱的#电视剧爱你# 主题曲《你在我喜欢的世界里》上线。汪苏泷自带苏感的嗓音，以心动情绪包裹旋律，在春意盎然的时节里，呈悸动心绪，缓缓倾泻心跳的声音，让爱在故事里极限拉扯。平凡的生活，因为你的出现而变得独特，黎明、霞光、初雪、微风都变得可爱〉。《微博》 (中文)。

出面網頁

[編輯]
由「https://zh-yue.wikipedia.org/w/index.php?title=愛你_(大陸電視劇)&oldid=2319930」收