愛爾蘭共和國男子足球代表隊

出自維基百科,自由嘅百科全書
跳去: 定向搵嘢


愛爾蘭共和國男子足球代表隊愛爾蘭蓋爾文Foireann sacair náisiúnta Phoblacht na hÉireann),有時簡稱「愛爾蘭(共和國)國家隊」,係愛爾蘭共和國嘅國家男子足球代表隊,由愛爾蘭足球協會管理,主場係新蘭斯敦路球場,現任主教練係意大利佐雲尼·查柏東尼(Giovanni Trapattoni),隊長係羅比·堅尼

1922年愛爾蘭自由邦成立之後,愛爾蘭自由邦喺1924年第一次組隊出戰奧運會,一路打到入八強賽。1936年愛爾蘭自由邦改制為共和國之後,愛爾蘭足協一直以「愛爾蘭」(Éire或者Ireland)自稱。1953年國際足協決定:愛爾蘭島上面嘅兩支國家隊都可以打世界賽;由愛爾蘭足協管理,代表愛爾蘭共和國嘅足球隊,一定要以「愛爾蘭共和國」自稱,而由北愛爾蘭足協管理,代表英屬北愛爾蘭嘅足球隊,就簡稱「北愛爾蘭」。

1964年,愛爾蘭第一次殺入歐洲國家盃決賽圈,一路進軍到八強。1988年愛爾蘭再次殺入歐洲國家盃決賽圈。1990年更加第一次殺入世界盃決賽圈,之後又先後喺1994年2002年殺入世界盃八強同16強。2002年FIFA世界盃外圍賽最後一輪愛爾蘭對法國,法國嘅亨利喺愛爾蘭龍門前邊用控球,再將球傳畀隊友威廉·加勒斯射入,以2:1淘汰愛爾蘭進軍決賽圈。2012年,愛爾蘭再次殺入歐洲國家杯決賽圈,不過最後小組賽三場輸晒出局,而第一場小組賽葡萄牙裁判彼得羅·浦羅恩沙推跌愛爾蘭嘅奇夫·安組斯,更加引發爭議。

1949年,愛爾蘭成為第一支喺英倫本土擊敗英倫嘅國家隊。