愛爾蘭足球協會

出自維基百科,自由嘅百科全書
Jump to navigation Jump to search

愛爾蘭足球協會愛爾蘭蓋爾文Cumann Peile na hÉireann、英文:Football Association of Ireland),簡稱「愛爾蘭足協」,係愛爾蘭共和國嘅足球協會。

歷史[編輯]

1921年6月,利揚省足協同其他幾支球隊退出當時總部位於貝爾法斯特愛爾蘭足協,自己組建咗自由邦聯賽。同年9月,自由邦聯賽嘅球隊組建「愛爾蘭自由邦足球協會」(英文:Football Association of the Irish Free State),正式脫離愛爾蘭足協成為獨立嘅足球協會。

1920年愛爾蘭足協宣佈退出國際足協之後,自由邦足協喺1923年加入國際足協。1936年自由邦改為共和國之後,自由邦足協正式改名為「愛爾蘭足協」。之後兩個「愛爾蘭足協」就一直為焉個足協代表成個愛爾蘭島爭論不休,更加經常從對方嘅地頭挖球員,令到當時有好多愛爾蘭球員都效力過晒兩支「愛爾蘭國家隊」。1946年,北邊嘅愛爾蘭足協重新加入國際足協之後,南邊嘅愛爾蘭足協唔再從北愛爾蘭挖球員,而北邊嘅愛爾蘭足協亦都從1950年起唔再從愛爾蘭共和國挖球員。1954年,國際足協通過行政命令:兩個「愛爾蘭足協」都唔可以再自稱「愛爾蘭」;南邊嘅愛爾蘭足協要自稱「愛爾蘭共和國」,而北邊嘅愛爾蘭足協就要自稱「北愛爾蘭」。

從1990年代後期開始,由於《貝爾法斯特協議》規定喺北愛爾蘭出世嘅人有權決定拿英國定愛爾蘭國籍,唔少喺北愛爾蘭出世嘅球員,喺發跡之後轉投愛爾蘭國家隊,引起不滿。

屬下聯賽[編輯]