愛與交響曲
| 愛與交響曲 | ||||
|---|---|---|---|---|
 | ||||
| 張學友 葉詠詩 香港管弦樂團嘅現場專輯 | ||||
| 發行日期 | 1996年4月18號 | |||
| 錄製時間 | 杜比實驗室 | |||
| 類型 | 國語流行 | |||
| 唱片公司 | 寶麗金唱片（環球唱片） | |||
| 監製 | 歐丁玉 | |||
| 張學友 葉詠詩 香港管弦樂團專輯年表 | ||||
| ||||
愛與交響曲係由香港流行音樂歌手張學友同華人音樂家葉詠詩博士所指揮嘅香港管弦樂團合作，喺1996年3月24號至25號喺香港紅磡體育館2場表演嘅現場錄音專輯，全部歌曲由葉詠詩重新改變做古典音樂模式，唱片監製係區丁玉，錄音同出版由寶麗金唱片公司（奧地利）方面全程製作，杜比實驗室負責現場採音，版本分做CD唱片（第2場）同DVD Video（第4場）。
影響力[編輯]
愛與交響曲當年嘅演出對於香港嘅音樂界有積極推動嘅影響，亦對古典音樂喺香港年輕一代中嘅普及起到作用。張學友同葉詠詩所指揮嘅香港管弦樂團配合默契，重有好多音樂內行人士認爲張學友清晰自然嘅聲綫就似其中嘅一種動聽嘅樂器[1]。而主辦單位原本準備畀張學友用中高音演唱，但喺排練時張學友同葉詠詩決定用普通嘅流行唱法演唱，同決定所有歌全部選自流行音樂，開創咗一個管弦樂同流行音樂相結合嘅先河，同大獲成功。嗰張唱片喺1996年獲得國際唱片業協會（IFPI）香港全年銷量最高唱片大獎。雖然張學友已經連續幾年獲此殊榮，但係《愛與交響曲》作爲一張現場錄音唱片得以超過佢喺同年推出嘅《忘記你我做不到》等頗具實力嘅錄音室唱片，係唔容易嘅。
喺呢次演出成功後，寶麗金唱片公司（環球唱片）嘅一啲其他歌手都同香港管弦樂團合作推出流行音樂同古典音樂相互結合嘅演出，包括陳慧嫻（1場）、李克勤（4場）、葉倩文（4場），林憶蓮（2場）。
選曲[編輯]
張學友喺呢次演奏會表演前啱啱同羅美薇喺倫敦註冊結婚，而從一啲歌曲入面都可以睇到佢同新婚妻子同公眾所展示嘅自己新嘅氣相。
《妳的名字我的姓氏》係佢好友音樂家李偲菘同林夕幫佢嘅新婚祝福而作，甚至當時都冇嚟得切幫首歌起名。呢首歌喺演唱後即成為經典嘅粵語流行音樂。
《過敏世界》呢首歌就描述名人生活喺一個冇任何個人隱私、失去應用嘅人身自由嘅一個傳媒鋪天蓋嘅社會入面，都係佢選擇去倫敦遠離香港傳媒嘅一個解答。[2]
呢張大碟嘅錄製同揀歌後來被多位樂評家認為係華語唱片嘅經典之作，[3]其中歌曲嘅排位係重要，睇落係一個訴說張學友本人嘅思想同對愛情嘅睇法。其中歌曲《歲月留情》同《生命的插曲》嘅歌曲用意即係體現出喺唔同嘅角度用唔同嘅視野嚟講一啲感情問題。[4]
張學友同葉詠詩喺呢次現場表演嘅Medley入面揀嘅3首歌分別係《莫等待》、《相識非偶然》同《大丈夫》就係表達出張學友嘅3個唔同階段嘅人生成長過程：年少時嘅努力；同老婆相愛時嘅片段同婚後自己定會成為一個好丈夫、好父親作為家庭支柱嘅形象。
曲目[編輯]
- 選取歌曲（香港站）：
| 日期 | 專輯 | 揀歌數目 | |
| 1 | 1991年1月 | 《情不禁》 | 1 |
| 2 | 1992年5月13號 | 《真情流露》 | 1 |
| 3 | 1992年12月 | 《愛火花》 | 1 |
| 4 | 1993年12月 | 《祝福》 | 1 |
| 5 | 1995年9月26號 | 《擁友》 | 1 |
| 6 | 1993年12月 | 《祝福》 | 1 |
| 9 | 1995年6月 | 《過敏世界》 | 3 |
| 10 | 1996年 | 單曲：《妳的名字 我的姓氏》（未發行專輯） | 1 |
| 11 | 1975年8月21號 | 《天才與白癡》（原唱：許冠傑） | 1 |
| 12 | 1982年11月1號 | 《精裝譚詠麟》（原唱：譚詠麟） | 1 |
| 13 | 1977年7月1號 | 《未知專輯》（原唱：關正傑） | 1 |
獎項[編輯]
- 1996年度十大中文金曲頒獎典禮
- 全年最高銷量冠軍歌手大獎
- 全年銷量冠軍大碟獎──愛與交響曲
- 1996年度叱咤樂壇流行榜頒獎典禮
- HMV超級熱賣大碟：《愛與交響曲》
- 1996年度新城勁爆頒獎禮
- 全年銷售大獎——愛與交響曲
- 其他
- 金曲龍虎榜最佳銷售特別獎——《愛與交響曲》
睇埋[編輯]
參考[編輯]
- ↑ 〈張學友最重要十張專輯〉 (簡體中文). ZOL. 2006-08-12. 喺2009-07-11搵到.
- ↑ 《明報》1996-05-12 《狗仔抄近路，學友唔駛驚》
- ↑ 《當代歌壇》半月刊 1996年6月上
- ↑ 《音樂家》1996年7月號 《張學友：用藝術去證明》