慈濟基金會

財團法人中華民國佛教慈濟慈善事業基金會（英文：Tzu Chi Foundation），喺台灣以外嘅國家或地區多稱為「臺灣佛教慈濟基金會」（Taiwan Buddhist Tzu-Chi Foundation），簡稱「慈濟」，係一個全球性嘅佛教團體。慈濟於1980年1月經中華民國內政部社會司（今合作及人民團體司）立案，法人代表為釋證嚴。總部設喺台灣花蓮縣新城鄉嘅靜思精舍。到2023年底，慈濟嘅淨資產為1291億元。

慈濟嘅起源可以追溯到1966年4月14日，由證嚴法師創立嘅「佛教克難慈濟功德會」，後來改名為「慈濟功德會」，名字寓意「慈悲為懷、濟世救人」。成立之初就已經開始從事社會救助工作。而宗教團體「財團法人佛教慈濟功德會」則喺2006年正式登記立案。

今日嘅慈濟，已經發展成一個龐大嘅體系，包含宗教、醫療、教育、媒體、多種企業及相關團體，被列為當代台灣佛教四大名山之一，亦係聯合國國際非政府組織中嘅慈善團體成員之一。