懵仔魚

出自維基百科,自由嘅百科全書
跳去: 定向搵嘢
Wikipedia:點樣睇生物分類框How to read a taxobox
懵仔魚
Rachycentron canadum.png
物種分類


動物界 Animalia
脊索動物門 Chordata
輻鰭魚綱 Actinopterygii
(未分類) 輻鰭魚下綱德文Actinopteri Actinopteri
亞綱 新鰭亞綱 Neopterygii
下綱 真骨下綱 Teleostei
(未分類) Osteoglossocephalai
(未分類) Clupeocephala德文Clupeocephala
(未分類) Euteleosteomorpha德文Euteleosteomorpha
(未分類) 新真骨魚亞部德文Neoteleostei Neoteleostei
(未分類) Eurypterygia德文Eurypterygii
(未分類) Ctenosquamata德文Ctenosquamata
(未分類) Acanthomorphata德文Acanthomorpha
(未分類) 棘鰭總目德文Stachelflosser Euacanthomorphacea
(未分類) Percomorphaceae德文Barschverwandte
(未分類) Carangaria德文Carangimorpha
鰺形目 Carangiformes
海鱺科 Rachycentridae
海鱺屬 Rachycentron
Kaup英文Johann Jakob Kaup,1826
海鱺 R. canadum
二元學名
Rachycentron canadum
(林奈,1766)

懵仔魚粵拼mung5 zai2 jyu4*2學名Rachycentron canadum),中文學名叫海鱺(鱺讀離,hoi2 lei4),係一種分佈廣泛嘅鹹水魚,呢種魚自成一科,即係海鱺科hoi2 lei4 fo1Rachycentridae)唯一嘅屬海鱺屬hoi2 lei4 suk6Rachycentron)之下只有佢一種魚。至於海鱺科嘅歸屬,傳統上放喺鱸形目Perciformes[1],但近來有觀點認爲應該放喺鰺形目Carangiformes)之下,呢個目歸Carangimorpha德文Carangimorpha(個拉丁文可以寫成Carangimorphariae或者Carangaria[2]。不過可以確定呢種魚歸輻鰭魚綱Actinopterygii新鰭亞綱Neopterygii真骨下綱Teleostei)。

[編輯]

呢種魚之所以嗌做「懵仔魚」,係因爲佢頭扁嘴闊,擘(maak3)開口時懵口懵面噉,所以嗌做「懵仔魚」。亦有人話係因爲佢亂舂懵撞,人捉佢好易,所以有噉嘅名。另外亦嗌做懵仲mung5 zung6)、魚仲jyu4 zung6[3]。喺內地,因爲呢種魚嘅樣似部軍艦仔,所以嗌做軍曹魚。喺臺灣啲鶴佬話叫做海麗仔閩南話白話字:Hái-lē-á),又寫做海鱺[4][5]

分佈同棲息[編輯]

喺邁阿密大學嘅懵仔魚
魚乸,約8公斤
喺冰上嘅懵仔魚,位於開放藍海農場(Open Blue Sea Farms)

懵仔魚通常單獨嘅,除咗每年繁殖時會歸聚一處外,仲會有時聚集喺珊瑚礁、沈船殼、港口、浮標、同海洋綠洲。佢係淺海魚,不過佢可以去河口同紅樹林度搵嘢食。

佢可以喺東西大西洋嘅熱帶暖水海域度搵見,尤其係加勒比,同埋喺印度-太平洋,除咗印度、澳洲同日本[6]。佢係廣温生物(eurythermal),即係受得落好大嘅溫度範圍,自1.6~32.2℃。佢亦係廣鹽生物(euryhaline),生活嘅鹽度喺5到44.5 ppt[7]

[編輯]

  1. 温妮·芙羅伊斯(Ranier Froese)、丹尼·波利(Daniel Pauly)主編,2014年。世界魚類數據庫嘅頁面:Rachycentridae;2014年11月版。
  2. Ricardo Betancur-R., Richard E. Broughton, Edward O. Wiley, Kent Carpenter, J. Andrés López, Chenhong Li, Nancy I. Holcroft, Dahiana Arcila, Millicent Sanciangco, James C Cureton II, Feifei Zhang, Thaddaeus Buser, Matthew A. Campbell, Jesus A Ballesteros, Adela Roa-Varon, Stuart Willis, W. Calvin Borden, Thaine Rowley, Paulette C. Reneau, Daniel J. Hough, Guoqing Lu, Terry Grande, Gloria Arratia, Guillermo Ortí, 2013, The Tree of Life and a New Classification of Bony Fishes, PLOS Currents Tree of Life. 18-04-2013. 第一版, DOI:10.1371/currents.tol.53ba26640df0ccaee75bb165c8c26288
  3. "百魚圖之懵仔魚(Cobia)". 飲食百科. 2002年4月19號. 喺2015年3月17號搵到. 
  4. "俗名 - Rachycentron canadum". 魚庫. 喺2015年3月17號搵到. 
  5. "魚仲,懵仔". 香港魚網. 喺2015年3月17號搵到. 
  6. Ditty, J. G.(J.G.迭鐵); Shaw, R. F.(R.F.梭) (1992年). "Larval development, distribution, and ecology of cobia Rachycentron canadum (Family: Rachycentridae) in the northern Gulf of Mexico(喺墨西哥灣北部嘅懵仔魚Rachycentron canadum(科:海鱺科)嘅幼魚生長、分佈同生態)" (PDF). 漁業公報(Fishery Bulletin). 90: 第668~677頁. 
  7. Resley, M. J., Webb, K. A. & Holt, G. J.(M.J.李士理、K.A.韋布、G.J.賀特) (2006年). "Growth and survival of juvenile cobia, Rachycentron canadum, at different salinities in a recirculating aquaculture system(喺循環水產養殖系統中唔同鹽度下懵仔魚(Rachycentron canadum)幼魚嘅生長同存活)". 水產養殖(Aquaculture). 253: 第398~407頁. doi:10.1016/j.aquaculture.2006.12.029.