懸鉤子屬

黑莓。懸鉤子屬拉丁學名叫紅，來自佢啲紅菓。枝上多刺，呢一屬特微。

懸鉤子屬，草木一屬，歸薔薇科薔薇亞科底下，有好多種開花植物，大而多樣，俗稱荊棘。底下好多生菓，蛇抱簕、黑莓、露莓同刺莓。估計二百五十到過千種。南極之外，所有大陸都有。

有木質莖為多，玫瑰咁生滿刺。硬刺、剛毛、帶腺毛都好常見。果實，有時叫做荊棘果，細小核果聚合成聚合果。西洋叫佢藤果、藤醬果，話種佢要藤支撐，要鐵綫支撐。包括懸鉤子屬及雜交品種。紅莓、黑莓係。雜交果羅甘莓、波森莓、馬里昂莓、泰莓都係。莖都會叫做藤。

草本植物得少數，通常生成灌木，莖大冚滿利刺。 生出長而拱枝條，觸土生根，化成地下根莖，春天生新枝。 常綠，葉都有，單葉、裂片葉、複葉都有。枝兩年生，第二年先會開花結果。根莖就多年生。 雌雄同花為多，雄蕊雌蕊一花。荊棘果，細核果形成聚合果。

六七成屬多倍體，一組染色體多過兩條。二倍體到十四倍體都有。

分類學

現代分類

懸鉤子屬，懸鉤子族唯一一屬。

亞屬非常複雜，黑莓露莓亞屬，多倍體、雜交、兼性單性生殖，令到亞屬變異極大，要同佢分類，系統植物學大挑戰。一九一〇到一四年間，德國植物學家和咸柯拔士霍卡試圖組織成十二亞屬，系統自此廣為接受，雖則現代遺傳學研究發現，亞屬當中，好多唔係單系羣。

有啲分類，將某啲亞屬變異，分成好幾十個物種，資深植物學家認為，佢哋單一物種，變異比較大咁。其他亞屬物種，蛇抱簕咁就容易區分。常見有一到幾種分類爭議，例如歐洲紅莓、美洲紅莓，算一物種定兩物種。後面用兩物種觀點。

進化譜系

呢個屬，大有可能起源北美。科羅拉多州始新世化石，三千四百萬年前。 中新世，擴張到歐亞、南美洲、大洋洲。捷克有中新世化石種子。 波蘭中新世淡水沉積物鑽孔樣本，提取咗好多化石果實。

分子資料支持地理分布、染色體數量分類。如果跟住形態學，例如葉莖結構去分，似乎就無法形成可靠進化譜系分類。