我們這一家

出自維基百科,自由嘅百科全書
跳去導覽 跳去搵嘢

我們這一家
あたしンち
Atashin’chi
假名 あたしンち
羅馬字 Atashin’chi
類型 喜劇日常系
正式譯名 Flag of the Republic of China.svg 搞笑一族(台灣日販)
常用譯名 我們這一家
漫畫
作者 螻榮子
出版社 Flag of Japan.svg Media Factory
Flag of the Republic of China.svg 台灣日販
Flag of the Republic of China.svgFlag of Hong Kong.svg 東立出版社
Flag of South Korea.svg 大元 C.I.
連載雜誌 讀賣新聞週日版
叢書系列 Flag of the Republic of China.svgFlag of Hong Kong.svg Tong Li Comics
連載期間 1994年6月5日 – 2015年10月2日
冊數 全21卷
話數 全760回
電視動畫 : 我們這一家
導演 大地丙太郎八角哲夫
人物設定 大武正枝日文大武正枝
音樂 相良まさえ櫻庭統、W.m.W
動畫製作 SHIN-EI動畫
製作 朝日電視台、SHIN-EI動畫、ADK
播放電視台 Flag of Japan.svg 朝日電視網
播放期間 2002年4月19日-2009年9月19日
話數 全331話
電視動畫 : 新我們這一家
導演 小倉宏文
人物設定 大武正枝日文大武正枝
音樂 多田彰文、中村博
動畫製作 SHIN-EI動畫
製作 SHIN-EI動畫、ADK
播放電視台 Flag of Japan.svg Animax
播放期間 2015年10月6日-2016年4月5日
話數 全26話
模板說明

我們這一家》(粵語解我哋呢家人あたしンち;ATASHIn'CHI)係日本一部以小家庭成員為中心,表現出日常生活中所發生嘅大小事為題材嘅漫畫動畫作品,原作者係けらえいこ

漫畫[編輯]

最初自1994年6月5號起,以多段四格漫畫組成一集,每集共23格嘅形式,喺《讀賣新聞》週日版以全彩色連載,每個禮拜刊登一次(但喺2002年1月至2006年3月期間係每兩個禮拜刊登一次),直到2012年3月11號;作品受到唔同年齡階層讀者嘅歡迎,並喺1996年獲得文藝春秋漫畫獎,2002年獲得手塚治虫文化獎。

單行本喺1995至2015年由MEDIA FACTORY出版,合共21本。中文版由台灣東立出版社發行(亦有被運去香港賣)。

動畫同埋劇場版[編輯]

朝日電視台、ADK及Shin-Ei動畫製作嘅電視動畫版,由2002年4月19號開始喺朝日電視台播到2009年9月19號,每個禮拜六播出一集,總共播咗330集;香港嘅無綫收費電視兒童台同埋無綫電視翡翠台(2006年12月26號至2007年3月29號喺《放學ICU》裏面、2007年6月30號同埋12月8號、2008年2月3號起播放,目前播到第106集以後)都曾經播放電視動畫版。

另外由東映製作嘅劇場版《映画 あたしンち》,喺2003年12月於日本上映,票房有九億日元,算係過得去。而香港就喺2008年1月17號上映,上映嘅第二周,更成為嗰個禮拜全港票房冠軍,總票房超過港幣四百萬(待查)。第二套劇場版會係3D製作,訂喺2010年11月13號上映,而香港就喺2011年2月10號上映。

2015年10月6號至2016年4月5號,Animax播放新嘅我們這一家動畫,名叫《新我們這一家》(《新あたしンち》),總共播咗26集。

集數一覽[編輯]

內文: 我們這一家動畫集數一覽

內容簡介[編輯]

呢套漫畫/動畫主要講述住喺東京近郊城鎮,而屋企各個成員睇落有唔同個性但又有些少共通點嘅一個四人家庭(立花家/花家),喺屋企嘅生活百態、各個成員同同學或者朋友等等周圍嘅人嘅日常社交生活、又或者係個人嘅心情起伏以及對唔同嘅事物抒發出嚟嘅唔同感受等等。

登場人物[編輯]

(台灣東立漫畫譯名/香港無綫電視譯名)

立花家/花家[編輯]

  • 立花太太花師奶花太太Ms Tachibana(,配音:日本→渡邊久美子;香港→雷碧娜
嫁入花家之前嘅名係今治 翠(睇日本動畫版第99集),九州人,標準嘅家庭主婦,人魚頭同孖膶腸嘴係最明顯嘅外貌特徵。個性相當拚命而固執,總係對一啲芝麻綠豆嘅小事極之在意,更會為此和阿柑、阿桔爭論不休。堅持「慳得就慳」嘅原則,非常貪小便宜同唔鍾意浪費,無論係食嘅、着嘅定係用嘅都唔例外。此外亦經常將自己嘅行為合理化(特別係喺人哋發現自己言行不一嗰時),特別係鍾意用一啲聽起上來好怪嘅「歪理」來搪塞或者為自己辯護,又或者詐傻迴避;對於事物嘅各種情緒同埋動作反應有時亦非常誇張。成日無意中偏袒或者較為呵護阿桔,令阿柑相當唔服氣。不過亦不時表現出對花先生特別注意或者包容嘅心情,偶然亦有感性嘅一面。
  • 立花先生花先生Mr Tachibana[1]花老爺,配音:日本→緒方賢一;香港→陳永信
九州人,全名立花 仁,中年上班一族。個性沉默寡言,我行我素,行事作風有傳統嘅大男人風格。平日忙於返工同應酬,對其他事總係冇乜興趣,唔係太過關心。不過,對於花師奶嘅古怪或者誇張行為,就經常抱著睇笑話嘅態度,當作娛樂看待,淨係喺事情影響到自己嗰時先至會突然之間變得冇耐性同暴躁。自己唔小心出醜或者搞錯某啲嘢嗰時,總會「哈…哈…哈…」傻笑三聲。有唔少怪癖,好似係去廁所唔閂門、飲醉酒返屋企之後隨便將屋裏面嘅嘢當係垃圾噉包好、鍾意將飯碗等物件擺喺細嘅嘢(好似醬油樽)上面等等。不過就係喺屋企最鍾意懷舊,亦最重視親情嘅人,經常懷念以前啲細路年紀重細嗰時嘅事,只係屋家人完全唔明佢心裡面到底喺度諗乜。
  • 立花橘子花帶柑(阿柑)立花みかん(たちばな みかん)(Tachibana Mikan),配音:日本→折笠富美子;香港→林元春
本作嘅主角,高中二年級生(漫畫版最初設定係高中一年級生),由於身形比較矮嘅緣故,曾經被人誤以為係初中二年級學生。個性非常活潑,做事唔小心謹慎而又帶點糊塗,有好多天馬行空嘅夢想,亦好鍾意自己一個人發白日夢。成日因為一啲小事和花師奶意見不合而鬥嘴,有時亦會因為某啲事而被細佬抱怨。因為鍾意啤啤熊,所以加入咗學校裡面嘅「啤啤熊Fans Club」。
阿柑嘅細佬,初中二年級生。喺日文版動漫畫同埋東立漫畫裏面有幾個花名,包括柚仔、柚—、小柚同埋柚柚(ユズユーユーちゃんユズピ)。個性細膩、怕醜而純樸,有成熟嘅思想同深奧嘅內心世界,兼且唔多講嘢(冇講出來嘅「心底話」亦特別多),不過亦經常會俾花師奶同家姐有意或無意嘅行為、言語刺傷。睇見花師奶同家姐作出一些佢睇落相當怪異嘅舉動嗰時,成日會暗地裡講「無藥可救」。因為覺得同班同學石田百合嘅一些古怪動作好好笑,所以對佢有啲好感。佢非常鍾意聽音樂,亦有一個鍾意嘅偶像,個名叫丸野丸美。

周圍嘅人[編輯]

花師奶周圍[編輯]

花師奶嘅好朋友之一,有一個讀高中2年級嘅仔,叫水島純(じゅん,配音:日本→鈴村健一)。因為有仔女,所以可以同花師奶傾好多關於仔女、家庭、生活方面嘅小事,亦係最能明白花師奶感受同心思嘅人。同花師奶傾計傾到一半嗰時,兩個人經常會突然間對望然後大笑。花師奶曾經將自己同佢同埋戶山太太合稱為「三大美人」。
花師奶嘅好朋友之一。同花師奶同埋水島太太傾計或者討論事情嗰時會顯得非常激動;此外亦經常請佢哋一齊參加活動。
花師奶嘅好朋友之一。屋企比較有錢,兼且相當注重生活品味。
原名大和田真知子大和田マチコ),花師奶嘅好朋友之一。有一個讀高中嘅仔。
立花家嘅隔離鄰舍。漫畫版指佢嘅職業係漫畫家,筆名越野庵越野あん)。

花先生周圍[編輯]

花先生喺九州嗰時識嘅老朋友。因為長方形嘅臉幾似炸豬扒,所以曾經俾花師奶稱為「炸豬扒先生」。
花先生嘅同事。

阿柑周圍[編輯]

同阿柑交情最好嘅同學,姓清水しみず)。個性成熟而穩重,成日會深入思考同談論一啲內心世界方面嘅問題,而且識好多「知識」,好似減肥之道、當俾人讚嗰時要點樣答等等,所以好受阿柑仰慕,但同阿柑喺埋一起嗰時,有時會顯得比較傻。喺講完一啲好有深度嘅說話之後,講完嘢之後習慣撥一下頭髮或者扮吸煙之後吐一口煙嘅動作。
阿柑嘅同學。性情文靜善良,同阿柑嘅交情亦都好好。
阿柑嘅同學,初中(南中)嗰時因為同班而相識。擁有裝模作樣嘅性格,俾人開玩笑時偶然會發嬲。
阿柑嘅同學,亦係阿柑嘅暗戀對象。每次阿柑見到佢嗰時,都會覺得佢好「殘眼」,同埋傾計嗰陣都會變得口窒窒。
  • 春山吹雪春山 ふぶき(はるやま ふぶき),配音:日本→田中理惠;香港→鄭麗麗
阿柑嘅同學。一個好靚嘅樣加上天真無邪嘅笑容,經常吸引眾多男同學接近。但係接近佢嘅人,不論男、女都會俾佢嘅一啲無心之舉玩謝,因此曾經被小清私底下稱為「危險人物」。
阿柑嘅同學。
  • 淺田浅田あさだ),配音:日本→淺井晴美;香港→何璐怡)
阿柑嘅同學,「啤啤熊Fans Club」成員。
阿柑嘅同學,「啤啤熊Fans Club」成員。
阿柑嘅同學,「啤啤熊Fans Club」成員。屋企好有錢。
「啤啤熊Fans Club」成員,高中一年級生。個性沉默寡言而古怪。好想為「啤啤熊Fans Club」做啲嘢,令Fans Club逐漸受到注意。佢有個姓高田嘅男朋友(配音:日本→神谷浩史)。
阿柑嘅同學,初中(南中)嗰時因為同班而相識。
阿柑嘅歷史科老師兼班主任,俾學生喺背後叫佢做村上阿村村上チャン)。
  • 宮嶋老師宮嶋(みやじま)先生,配音:日本→城山堅
阿柑嘅古文老師,教得好快。鍾意喺上堂嗰陣突然間有感而發噉講一番道理,或者問學生一啲得意嘅問題。
  • 小川老師小川(おがわ)先生,配音:永島由子→嶋村カオル→勝生真沙子)
阿柑嘅體育老師。
  • 日登美老師ひとみ先生
阿柑嘅數學老師。因為打麻雀好叻而被稱為「麻將鬼」(雀鬼(じゃんき)),後來演變成「牛鬼」。

阿桔周圍[編輯]

  • 藤野ふじの,配音:日本→山口勝平;香港→伍秀霞)
同阿桔交情最好嘅同學,個性相當單純而樂觀,係屋企三兄弟之中嘅大佬。好想有一個家姐,亦因此對偶然見過幾次嘅阿柑極之有好感,令阿桔好唔理解。
  • 川島かわしま,配音:日本→水田わさび;香港→何璐怡)
阿桔嘅同學,自從某次單獨同阿桔去游水之後,就開始暗戀佢。佢同山下建立咗阿桔Fans Club(只係得佢哋兩個會員),重同阿桔改咗「小雲雀」呢個代號,並經常觀察著阿桔嘅一舉一動。只係每次想接近阿桔或者係想對佢表達心意嗰時,會因為唔夠勇氣而放棄或者冇咗機會。
同川島交情最好嘅同學。經常陪喺川島身邊鼓勵或者安慰佢,有時亦會幫佢諗辦法去接近阿桔。
  • 石田百合石田 ゆり(いしだ ゆり),配音:日本→小櫻悅子;香港→謝潔貞
阿桔嘅同學。成日作出令人注目嘅古怪舉動,好似啲嘢食要聞一聞先至食落肚、一邊行一邊哼歌…等等。即管成日俾班裏面嘅同學笑,依然不為所動。佢不時會造出一啲冷笑話,但亦有可愛嘅一面。
同石田交情最好嘅同學。經常對石田心裡嘅一啲諗法感到好奇,兼且想辦法去了解。
  • 奈須男茄男新井 ナスオ(あらい なすお),配音:大塚海月;香港→謝潔貞
阿桔嘅同學,同阿桔一樣鍾意丸野丸美。
阿桔嘅同學,係班裏面嘅美少女。
阿桔嘅班主任。喺學生眼中係個非常「可怕」嘅老師,而且絕對唔畀學生喺食營養午餐之後剩低飯餸。
  • 林老師林(はやし)先生,配音:小關一
阿桔嘅數學老師。
  • 唐澤老師唐沢(からさわ)先生,配音:中多和宏
阿桔嘅英文老師。
  • 阿聰サトシ
阿桔住喺公寓嗰時嘅舊朋友。
  • ◎◎◎子丸野丸美◎◎◎子まるの まるみ,配音:若菜ようこ
阿桔嘅偶像。

音樂[編輯]

動畫版片頭曲[編輯]

  1. さらば」(1~144集)
    主唱、編曲:[[:ja:キンモクセイ (バンド)|キンモクセイ]]/作詞、作曲:伊藤俊吾
    香港粵語版︰「We are family」,主唱︰湯盈盈/作詞﹕陳詩慧
  2. あたしンちの唄」(145集~297集)
    主唱:小泉今日子(143~149集化名為「あたし仮面)」)/作詞、作曲:濱崎貴司/編曲:ヲノサトル
    香港粵語版:「有我亦有你」,主唱:商天娥,作詞:陳詩慧
  3. プロリンサイズ♪」(298集~330集)
    主唱:森三中/作詞、作曲:pal@pop(高野健一)
《新我們這一家》
  1. Let's Go! あたしンち」(原《我們這一家》第二片尾曲)

動畫版片尾曲[編輯]

  1. 来て来てあたしンち」(1~161集)
    旋律取自艾爾加《威風凜凜》進行曲(Pomp and Circumstance Marches,作品編號39),主唱:平山綾/作詞:大地丙太郎/編曲:武藤星兒
  2. Let's Go! あたしンち」(162集~232集)
    主唱:ザ・タチバナーズ(渡邊久美子、折笠富美子、阪口大助、緒方賢一)/作詞:けらえいこ井手コウジ/作曲:井手コウジ/編曲:鎌田雅人
  3. ほっとっとっとな まいにち」(233集~?)
    主唱:キグルミチコ(レナ(志村玲那,キグルミ成員)、清水ミチコ)/作詞:里乃塚玲央/作曲、編曲:川嶋可能
  4. プロリンサイズ♪」(2009年4月~8月)
  5. 来て来てあたしンち」(328集)
  6. Let's Go! あたしンち」(329集)
  7. さらば」(330集)
  8. あたしンち」(劇場版上映初期)
    主唱、作詞、作曲、編曲:矢野顯子
《新我們這一家》
  1. ろっか・ばい・まい・べいびい
    主唱、作詞、作曲:細野晴臣

插曲[編輯]

  1. カラオケ天国
    主唱:折笠富美子,作詞:西脇唯,作曲、編曲:HULK
  2. 情熱の赤いバラ
    主唱:渡邊久美子,作詞:Eiko Kera,作曲:增田俊郎,編曲:長尾ゆうたろう

其他[編輯]

喺動畫版,花師奶鍾意喺做家務嗰時哼歌。喺原本嘅日文版動畫中,花師奶哼嘅歌叫《情熱の赤いバラ》(作詞人正係漫畫原作者Eiko Kera);喺香港無綫電視嘅粵語版動畫裏面哼嘅係吳卓羲嘅《別怪他》或者羅嘉良喺電視劇《季節》裏面嘅同名主題曲。

[編輯]

  1. 粵語名係叫「花生」(生音山)。為避免同嘢食花生混淆,所以成篇文嘅「花生」都以書面語譯名「花先生」代替。

出面網頁[編輯]