我哋黨

我哋黨

我哋黨係以色列一個中間派政黨，喺2014年創立，本身喺利庫德集團分裂出嚟，當中亦有人由前進黨轉投，黨內嘅代表人物係摩西卡隆，佢喺利庫德嗰陣入過內閣做通訊部長。

2015年時係以利庫德集團為首嘅以色列執政聯盟入面嘅第二大黨，有10個國會議席，摩西卡隆喺內閣入面係財政部長，佢一路做到2020年退出政壇為止。

到2019年4月以色列議會改選，我哋黨嘅席位跌到4席，不過呢次選舉冇政黨籌組到政府，以色列要喺同年9月再舉行大選，呢次我哋黨加入利庫德嘅名單入面，不過黨內核心摩西卡隆都冇再用我哋黨牌頭出選，最後利庫德名單入面得1個代表我哋黨嘅候選人當選。

2020年，我哋黨唯一嘅議員過檔新希望，我哋黨正式玩完。