打𤺊嗌

出自維基百科,自由嘅百科全書
(由打思肊跳轉過來)
跳去: 定向搵嘢

打𤺊嗌[1]粵拼daa2 si1 jik1),醫學術語叫呃逆ak1 jik6),國文書面做打嗝(嗝讀「格」,daa2 gaak3),係橫隔膜痙攣導致嘅現象,打思肊時係一陣陣,來時突然間個肚縮下,搞到聲門閉合、發出「呃」聲。

打𤺊嗌嘅原因有好多種,飽得滯、食嘢太快、劇笑都可以搞到打思肊。此外橫隔膜炎症、腎病、腦瘤之類嘅病都會有打思肊嘅癥狀。

[編輯]

打𤺊嗌有好多種寫法,第二個字可以寫成「𤺊」、「嘶」、「思」或者省略:第二個字可以寫成「嗌」、「肊」、「噎」或者「餩」[2]。各種寫法可以歸納成下面個表:

𤺊 打𤺊嗌 打𤺊肊 打𤺊噎 打𤺊餩
打嘶嗌 打嘶肊 打嘶噎 打嘶餩
打思嗌 打思肊 打思噎 打思餩
(簡寫) 打嗌 打肊 打噎 打餩

家醫療法[編輯]

一般人遇到打𤺊嗌,通常都可以好簡單噉醫返,主要有:

  • 心理
    • 轉移注意力(比如問佢嘢、從1數到100、冥想、濕吻)
    • 嚇下佢
  • 吞嘢
    • 掬氣做三次吞食動作
    • 食嚿冰
    • 一啖過飲羹醋
  • 做深呼吸,吸氣到極限,再掬住,打開咗胸腔,再慢慢吐氣。
  • 用各種辦法大笑。
  • 飲汽水,令身體嘅二氧化碳平衡返。
  • 有種講法認為係體內二氧化碳、氧氣唔均勻,所以要增加二氧化碳,比如短時間攞啲嘢撢住口鼻呼吸。

[編輯]

  1. 「打思嗌」點寫?
  2. 打億(打嗝)嘅「億」本字係咩?點寫?