拍子
拍子（英文：beat，個英文名可作粵拼：bit1）係音樂上最基本嘅計時單位：音樂本質上就係喺時間當中組合聲，表演一段音樂嘅人要喺適當嘅時間點發出適當嘅聲，所以需要有啲方法幫自己計時。想像家陣有個人演奏一首樂曲[註 1]，佢可以係噉喺度用把口數住 1 2 3 4，1 2 3 4... 每吓之間嘅時間間隔都完全一樣，佢就可以用呢一吓吓時間間隔——每吓就係一吓拍子——嚟幫自己留意住過咗幾多時間[1][2]。
拍子同節拍（英式英文：metre）關係密切：想像將一段音樂斬開做若干橛，每橛喺時間上都一樣咁長，每一橛就係一段節拍，而每橛節拍都會包含若干吓拍子，每一橛節拍包含嘅拍子數量都一樣；喺現代嘅樂譜當中，節拍通常會掕住一對數字——例如 4/4 噉——一上一下喺條五線譜上面，呢啲數字就係所謂嘅拍子記號[1]：
- 喺上面嗰個數字表示一段節拍裏面有幾多吓拍子，
- 而另外嗰個數字表示一吓拍子維持幾耐時間（以音符時值計）。
打拍子
[編輯]
打拍子涉及用定時嘅聲或者身體郁動，幫自己或者身邊嘅人留意住拍子，簡單嘅方法有數拍子，即係用把口 1 2 3 4，1 2 3 4... 噉數住啲拍子，除此之外亦可以睇埋拍子機呢種常用嘅打拍子架生[2]。
打拍子係學音樂、唱歌、跳舞嘅基本功，幫玩音樂同跳舞嘅人捉實節奏。唔同節奏有唔同嘅打拍方式。
4/4 拍係最多人用嘅節奏格式，流行曲同爵士樂等都成日用。4/4 每個小節有四拍，可以數：
- 一、二、三、四｜一、二、三、四……
打拍子嘅時候可以：每一拍都打一下，例如手指 tap 枱、拍手或者腳踏地。
3/4 拍，又叫「華爾滋拍」，一個小節得三拍，好多古典樂、舞曲（例如藍色多瑙河）都係用呢個拍子。可以數：
- 一、二、三｜一、二、三……
打拍子嘅方式：一樣係每拍打一下，感受到節奏上嘅擺動。節拍強弱感係：「強－弱－弱」，「一」係重拍，其他係輕拍。
節拍嘅種類
[編輯]節拍嘅種類有好多種，喺西樂多數用嘅有 4 拍，仲有3拍，同 2 拍；喺中樂多數有 4 拍、2 拍同 1 拍。
節奏嘅強弱係關節拍事。
| 2拍 | 3拍 | 4拍 |
|---|---|---|
| 強-弱 | 強-弱-弱 | 強-弱-次強-弱 |
睇埋
[編輯]註釋
[編輯]引述
[編輯]文獻
[編輯]- Cone, Edward T. (1968). Musical Form and Musical Performance. New York: W. W. Norton. ISBN 0-393-09767-6.
