拉丁文字

拉丁文字大細階

拉丁文字、羅馬文字，書寫系統一種，古典拉丁字母演變出來。套字母源自古希臘，大希臘橋美城所用希臘字母形式。之後，伊楚斯肯人改來用，畀古羅馬人改來用。現今拉丁文字母有種種版本，同經典拉丁母，寫法、排序、音值都有所唔同。有啲地方會叫拉丁字、羅馬字。

萬國音標都借拉丁文字構成，而至常用廿六隻字母，就喺國際標準拉丁字母入面，同英文字母一樣。

拉丁文字構成全球眾多字母系統，書寫系統之中，全世界借用得至廣泛。以拉丁文字做語言標準書寫方式，有西歐，有中歐，有大部分撒哈拉以南非洲，有美洲，有大洋洲，好多其他地方語言都有用。

名

拉丁文字定羅馬文字，都指古羅馬，當中有大寫希臘字母。轉寫英文叫做羅馬化。統一碼叫佢拉丁，國際標準化組織亦然。

國際標準基本拉丁字母

大階	A	B	C	D	E	F	G	H	I	J	K	L	M	N	O	P	Q	R	S	T	U	V	W	X	Y	Z
細階	a	b	c	d	e	f	g	h	i	j	k	l	m	n	o	p	q	r	s	t	u	v	w	x	y	z

拉丁字母配合日耳曼語同羅曼語，IV兩字母，代表輔音又代表元音，咁就唔方便。

字母W，原本VV，即孖V，寫古英語/w/音，至早七世紀有。十一世紀打後，先至普遍咁用，取代同音字母⟨Ƿ ƿ⟩。羅曼語，細楷嘅V圓u。十六世紀，演變出大楷嘅U，代表元音，而尖頭形細楷v，就由原本V分出來做輔音。

至於字母I，就有字母尾帶勾J，專門代表輔音，而原本冇勾I，慢慢齋代表元音。呢啲用法，好長時間都無統一，去到十七世紀，J 先正式代表英文輔音，之前做元音用得好少。不過，直到十九世紀，J先正式睇成獨立字母，排入英文字母表入面。

另外電腦亦有世界同自國標準，有共同字符集，國用字符集咁。不過現時流行統一碼已包含大多數拉丁文字。

散播

拉丁文字分佈。



拉丁文字有時用喺灰色地區，用咗非官方第二語言，例如摩洛哥法文，埃及英文，同埋官方文字拉丁文音譯，例如中國拼音。

羅馬帝國擴張，拉丁字母同拉丁文，雙雙由意大利半島傳播到地中海周圍。帝國東半部，希臘、土耳其、黎凡特、埃及，繼續用希臘文做通用語。西半部廣泛使用拉丁文。拉丁文演變出西部羅馬語言，就一直用拉丁字母，再改編。

中世紀

中世紀西方基督教一直傳播，拉丁字母散到北歐其他語言。取代咗蓋爾特語言柯甘字母，取代日耳曼語言盧恩字母。重有波羅的海語言，幾種烏拉爾語言，尤其匈牙利文、芬蘭文同愛沙尼亞文。

西斯拉夫語、南斯拉夫語幾種，用拉丁文字，信羅馬天主教。講東斯拉夫語用基里爾字母，信東正教。塞爾維亞語言兩種都用，官方通訊用基里爾字母，其他場合用拉丁字母，跟官方語言同字母使用法。

十六世紀打後

一五〇〇年，得西歐、北歐、中歐語言用拉丁文字。東歐、東南歐信東正教斯拉夫人用基里爾字母。東地中海講希臘語用希臘字母。伊斯蘭世界用亞剌伯文字，唔單止亞剌伯人用，連伊朗人、印尼人、馬來人、突厥人都用。亞洲大部分地方用種種婆羅米文或者中文。

歐洲殖民世界，拉丁文字傳播到美洲、大洋洲，同埋部分亞洲、非洲同太平洋地區，用咗西班牙文、葡萄牙文、英文、法文、德文、荷蘭文字母。

好多南島語系語言，都用拉丁字母，有菲律賓啲語言，有馬來西亞、印尼啲語言，取代早期亞剌伯字母同當地婆羅米字母。柴羅基字母亦有拉丁字母元素，不過佢音值完全唔同。

葡萄牙傳教士用拉丁寫母寫越南語，而之前一直用喃字同唐字。十九世紀，法國統治就完全用拉丁字母。十六十七世紀，葡萄牙、其他歐洲傳教士，抵達印度西岸果阿，為種印度亞利安語言，貢加尼話引入貢加尼話羅馬文字。

十九世紀

十九世紀後期，羅馬尼亞人用返拉丁字母，放棄咗羅馬尼亞基里爾字母。羅馬尼亞文屬羅曼語族。

二十世紀

一九九一年，蘇聯解體，突厥語族共和國三個獨立，亞塞拜疆、烏茲別克、土庫曼、羅馬尼亞語摩爾多瓦，正式採用拉丁字母。吉爾吉斯、伊朗文塔吉克、德涅斯特河沿岸分裂地區，保留基里爾字母，同俄羅斯關係密切之故。

三四十年代，大部分庫爾德人用拉丁字母寫庫爾德文，雖則庫爾德政府用亞剌伯文字做公共文件。

一九五七年，中華人民共和國改革壯語文字，將佢正字法由方塊壯字改為拉丁文字，用拉丁文、基里爾文同萬國音標混合，表示壯文音素音調，唔用變音符號。一九八二年，再改標準，單用拉丁字母。

一九九一年，埃塞俄比亞德格統治崩潰，阿姆哈拉文同化政策，亦跟住結束，種種族羣唔再用吉茲字，轉投拉丁，皆佢閃語族之外唔太啱身 。喺之後嘅幾年，卡法、 柯羅毛、 色達馬、 索馬里、 同和離他語言都轉咗，喜秩挨亞同金巴他跟唔跟就有拗 。

廿一世紀

一九九九年九月十五號，俄羅斯韃靼斯坦通過咗一項法律，二〇一一年會拉丁文字同基里爾文字並用，成為韃靼話官方寫作系統。 不過一年後，俄羅斯政府推翻呢項法律，禁止拉丁文字。

哈薩克政府改用哈薩克拉丁字母，替代哈薩克基里爾字母，寫官方哈薩克話，現今目標二〇三一年完成。亦有人討論烏克蘭、 吉爾吉斯、 同蒙古。 不過，蒙古選擇恢復蒙古文字，而唔轉拉丁文字。

二〇一九年十月，加拿大伊努熱人組織在加伊努熱人團結組織宣布，引入統一伊努熱話寫作系統，會基於拉丁字母，仿照格陵蘭語所用字母。

二〇二一年二月十二號，烏茲別克政府話二〇二三年，完成轉用拉丁文字寫烏茲別克語言。一九九三年轉用拉丁文，之後停滯，基里爾文字仍然用得廣泛。

目前克里米亞韃靼文同時用基里爾同拉丁。蘇聯解體當初，克里米亞韃靼人批准用拉丁文 ，之不過，地區政府從未實行。二〇一四年俄羅斯吞併克里米亞，廢拉丁文字。而克里米亞以外，韃靼人就用拉丁文。克里米亞韃靼人代表大會，提議全改拉丁。二〇二一年十月廿二號，烏克蘭政府批准建議。

二〇二〇年七月，用拉丁字母有廿六萬萬人，佔全球人口三成六。

國際標準

二十世紀六十年代，第一世界電腦同電訊行業意識到，要通用為文字編碼。國際標準化組織整咗標準，收納拉丁字母。要標準廣泛認受，就跟當時普遍用法制定。嗰時，美國呢兩個行業領先，標準就用美國標準資訊交換碼做底，而內裏字集有齊英文字母大細階，一共五十二隻。之後又有新標準內統一碼拉丁），都繼續英文字母大細階做基本拉丁字母表，再擴展去其他語言字母。

各地標準

德國標準化學會標準，收集歐盟各國所用拉丁文字，兼收基理爾文字，希臘文字，化成標準。標準編碼都取自統一碼字母，化成子集。咁為咁表示啱名稱，簡化歐洲間交換資料，支援歐盟、歐洲自由貿易聯盟所有官方語言。又為國際標準之中，其他書寫系統啲名，轉寫做拉丁文字，提供所有必要基本字母、變音組合 。目標成為歐洲標準。

種種語言用法

原拉丁字母，並唔能表示所有語音，必定要改造配合返新語言。所無音素，有其他表達方法。字母加上變音符號，化成連結字，創新字母，為二三字組，賦予專屬功能。新嘢加入字母表，有自己字母順序，有自己排列規則，好多時都因應語言而變。

單隻字母

奐字母ǷƿÞþÐð，加入古英文字母表。愛爾蘭字母，Ᵹᵹ，發展成Ȝȝ ，用喺中古英文。w取代ƿ後來，th取代þð，gh取代ȝ。英文、愛爾蘭字母唔再用，但係Ðð同Þþ現代冰島字母有用，而Ðð法羅字母有用。

西非中非南非，語言用額外字母，音值同國際音標好似。例如亞釘吾用ƐɛƆ ɔ。嘉用ƐɛŊŋƆɔ。豪薩用ƁɓƊɗ代表內爆音，Ƙƙ代表爆送氣音。非洲語言學者將字母訂做非洲參考字母。

有點無點I，即İi、Iı，土耳其文、亞塞拜疆文同哈薩克文都有。亞塞拜疆仲有Əə，代表近開前不圓唇元音。

多合字母

二合字母，字母一對合成，寫一音，寫一組合唔關順序。英文有ch、ng、rh、sh、ph 、th，荷蘭文有ij、ee、ch、ei。荷蘭文ij大寫IJ，或者連字IJ ，從來唔會寫Ij。連字ij睇起上來嘅，同手寫ÿ好似。

三合字母，三個字母合成，德文sch、布禮斯文c'h、米蘭文oeu 。

某啲語言正字法，二合字母、三合字母，合睇成獨立字母。大寫點就睇語言，大寫第一個字母，大寫全部都有。標題大細階，二合字母，三合字母之後，字母用小寫。

連字

連字，兩個幾個普通字母，融合成做新字形，新字母。有Æ同æ，有Œ同œ，有減筆&，拉丁文et，意思同埋，有ẞ同ß，字母ſ加ʒ或者s。

分音符號

字母⟨a⟩有尖音變音符號

變音符號，有時聲調符號，字母上下周圍，德文字母曲音符號äöü，羅馬尼亞字母ăâșîî。佢改字母發音，有時改埋音節單字讀音，指示新音節開始，或者分辨同形字，例如荷蘭文een做單丁冠詞，同埋één解做一。發音一樣，變音符號效果，因語言而異。

主要現代歐洲語言當中，得英文唔使用變音符號，除咗少數外來字。不過史上有較正式書面語，有時用分音符號，表示字母組合要分開讀音節，免得人誤讀成單一母音，好似合作coöperative、再選舉reëlect。現代英文寫法唔再用，會直接省略，會用連字號斷音，好似co-operative、re-elect咁。

排字母

改造字母，好似åäö，會睇成獨立新字母，字元排序就安排獨立位置，唔同原本字母，瑞典文咁款。但唔一定，德文入面嘅äöü，字母加變音符號，會歸返去原本字母。同樣道理，都啱二合字母、三合字母。唔同變音符號，同一種語言，都可以有唔同排序規則西班牙文，ñ 睇成獨立字母，字典排喺n同o之間。但係，帶重音符號母音áéíóúü，就唔會同無重音符號母音分開，即係會一齊排aeiou入面。

大寫

而家用拉丁字母語言，段落同句子，用大楷開頭。專有名詞都係咁。大寫字母用法規則，跟時間變，唔同語言之間有差異。古英文入面，專有名詞都好少用大寫。十八世紀現代英文，幾乎所有名詞都會用大寫，寫法似今日德文。德文例句，Alle Schwestern der alten Stadt hatten die Vögel gesehen，意思舊城所有姊妹都見過啲雀。

羅馬化

其他文字系統，為咗擺入拉丁字母書寫，為咗多語國際交流，通常會做字母轉寫轉錄過程就叫做羅馬化。亞剌伯文，中文都係咁。

呢啲語言羅馬化，大多數用喺非正式層面。不過以前電腦訊息傳遞就好普遍。舊系統齋用到有限七爻美國編碼。有咗統一碼，羅馬化冇以前咁必要。不過，輸入文字鍵盤，有時限入羅馬化文字，或者佢系統齋用到咁多。

攷

• Boyle, Leonard E. 1976. "Optimist and recensionist: 'Common errors' or 'common variations.'" In Latin script and letters A.D. 400–900: Festschrift presented to Ludwig Bieler on the occasion of his 70th birthday. Edited by John J. O'Meara and Bernd Naumann, 264–74. Leiden, The Netherlands: Brill.
• Morison, Stanley. 1972. Politics and script: Aspects of authority and freedom in the development of Graeco-Latin script from the sixth century B.C. to the twentieth century A.D. Oxford: Clarendon.