揭尾故（粵音：kit3 mei5 gu2），又叫情境猜謎或者情境推理遊戲，係一種估某啲情況背後嘅真相嘅智力遊戲。主持人會提供一段簡短描述，例如：「某人喺一間冇窗冇門嘅房入面死咗，地上有水」，然後由參加者提問，而主持人只可以答係、唔係或者無關，透過不斷提問玩家要推敲出完整故事。呢類謎題強調創意思維，唔少都含有黑色幽默元素。坊間有唔少紙牌遊戲或者桌遊以呢種遊戲為主題。
