摩羯座

出自維基百科,自由嘅百科全書
摩羯座
Capricornus
星座
Capricornus
縮寫Cap
所有格Capricorni
象徵物帶魚尾嘅牡羊
赤經21
赤緯−20
面積414平方度 (40th)
流星雨
鄰接
星座
可見嘅緯度範圍: +60°至−90°之間
最適合觀賞嘅月份:9月

摩羯座又叫山羊座,係家下八十八西洋星座之一。佢響天球赤道一帶,佔天球面積414平方度。地球北半球來講,摩羯座係秋天嘅星座,即係秋夜會見到。肉眼可以睇到嘅星,約莫50粒到。有一到四等星9粒,即係有3等星2粒、4等星7粒[1]

佢響黃道十二星座嘅第十位。

歷史[編輯]

摩羯座形象係羊頭魚身怪物。

佢嘅起源更可以追溯至到公元前7至6世紀,當時太陽位置就喺佢入面。喺北半球,太陽喺冬至時位於南方最低處,於冬至之後逐漸向北方爬升,有人將呢種嘅太陽比喻為爬緊岩石嘅山羊

摩羯座係古希臘托勒密所編嘅托勒密48星座之一。

占星[編輯]

占星學上屬摩羯座嘅人係喺12月22日至1月20日出世,屬「堅守原則」果類型。

故仔[編輯]

星座符號:

古希臘人好識得將動物聯想一番。佢哋認為喺森林裏面住咗一群名叫沙駝(Satyrs)[即森林之神]嘅動物,有山羊嘅腳同角,而且滿面鬍鬚,其中之一係牧羊之神(Pan),佢係一個好鍾意睏晏覺,又好容易畀其他嘢嚇到嘅天神,聽講「恐慌」嘅英文panic,就係改自佢嘅名。

有一次,潘同下山來嘅寧芙仙子(nymph)席琳克絲(Syrinx)偶然相遇。席琳克絲係狩獵女神阿蒂蜜絲嘅隨從。席絲克絲非常靚女,潘對佢一見鍾情。但係潘個樣實在太醜,席絲克絲見到佢就嚇到掉頭走。

兩人你逃我追咁逼到河邊,席琳克絲因為走投無路所以向佢阿爸河神求救。以為自己終於答住席琳克絲嘅膊頭,點知手上攞著嘅係河邊嘅蘆葦,寧芙仙子就乘機走人,失望之餘,將蘆葦束埋一齊造咗枝笛[又稱為「潘笛」(Pan's flute),據講係管風琴嘅雛型],成為隨身攜帶嘅樂器。

用潘笛吹奏優美嘅曲調時,眾神都會聚喺尼羅河邊聽。誰知一隻叫「泰風」(Typhon)嘅怪物突然出現,佢嘅恐怖叫聲嚇窒所有天神(包括在內),喺失魂落魄之下,想變做魚遊走,但只將下半身變做魚尾,而上半身就維持不變。傳說宙斯覺得嗰陣嘅樣幾好笑,於是將佢嗰個滑稽形象搬咗上天,咁就成為咗摩羯座而家呢個形象。

[編輯]

  1. 西. 香港太空館. 原著喺2009-10-29歸檔. 喺2009-10-25搵到.

睇埋[編輯]


天文學 | 黃道星座 | 占星術

白羊座 金牛座 雙子座 巨蟹座 獅子座 室女座 天秤座 天蠍座 人馬座 摩羯座 寶瓶座 雙魚座