黑幫

  呢篇文講現代嘢。想搵近代嘢或古代嘢嘅話，請睇江湖。

  「黑社會」跳轉到呢度。假如你想揾嘅係以此命名嘅電影，請睇「黑社會 (電影)」。

黑幫（婉稱：幫會、社團）指主流社會傍當地官府皆鄙視嘅非政權犯罪組織。

一笪地方嘅全部黑幫統稱黑社會或黑道，黑幫成員亦叫作蠱惑仔（「蠱惑女」毋常用）、黑漢（黑婦毋常用）、江湖人仕傍（江湖）猛人等，渠等嘅工作泛稱撈黑或行蠱惑。唐人嘅黑幫多數係三合會，意大利人嗰尐以黑手黨最為出名，日本官方將其地域者叫暴力團。

各地狀況

十九世紀

呢幾檔三合會色彩唔豐富：晌（第一次）鴉片戰爭之前，馬交已經係葡國領土，轉口生意蓬勃，亦涉及大量鴉片走私；友誼館係最早出名嗰個社團，似乎係由華人工頭林阿發（後台係洋人）創立嘅，剋扣勢力範圍工人（咕哩為主）嘅十分之一工資做會費，不過會提供人身保護；友樂館係第二個出名者，創立者似乎係華人陳光（後台都係洋人），仿效前者經營，唔迫會員交會費，不過𠱁佢哋賭錢同借錢畀佢哋再追債或以此迫使佢哋作奸犯科；兩派經常爭地盤搞到衝突。晌（第一次）鴉片戰爭之後，招工館利廬嘅阿頭李七斤乘賣豬仔生意崛起，似乎靠威迫利誘、焗賭甚至綁架等多種手段攞人出售，成為當地第三個出名社團。