撞牆，又稱為三角短傳，亦可以叫做打 ONE TWO，係足球場上用嚟過人嘅一種小組技術。
當進攻球員甲帶波前進，遇到對方球員乙迎面阻欄，如果旁邊重有攻方球員丙，咁甲就可以借丙做輻牆以過乙：甲先將個波斜傳畀阿丙，然後向前跑，繞過衝緊埋嚟嘅乙；如果球員乙有時會犯錯跟住個波走，阿丙就即刻好似幅牆咁彈個波返去阿甲之前 ，球員甲接返個波繼續向前推進，拋離球員乙。是為一次成功嘅撞牆。
如果球員乙唔犯錯，球員丙可以自己帶波走，但噉就唔係撞牆。
