攀爬架

格仔架

一行架

圓栱架

繩架

木架

攀爬架，遊樂場設施一種，畀人爬來爬去又得，擒上擒落又得。細蚊仔就玩意，大人就用來做訓練。款式好多，無固定乜形乜款，有時同其他元素混合，好似滑梯、氹氹轉。大多數五金做，尤其鋼，整成鐵通，承受人重。亦有啲用大纜造，多數用人造纖維。木造、蔴纜一樣得。叫法好多，有人叫鋼架，有人叫馬騮架，有人叫擒鋼架。

以往石屎地玩。今下要考慮埋跌落地受傷。沙池、膠粒、木碎做地，跌落來無咁傷，安全至上。

玩法好多，爬又得，吊又得，坐又得，有啲做到瀡落來都得。啲架夠晒立體，畀人喺三維空間穿梭。

至先一格格，用來畀細路學立體座標，一九二〇年註冊專利。

名

英文來講，英國通常叫climbing frame。美國就叫jungle gym。另外一行橫架叫monkey bars，日文叫做雲梯。