攬炒巴

出自維基百科,自由嘅百科全書
跳去導覽 跳去搵嘢
攬炒巴
Finn Lau 2020 (cropped).png
出生日1993年10月25號 喺Wikidata改呢個 (27歲)
本名劉祖廸
職業社運人士、土地測量師 喺Wikidata改呢個

攬炒巴粵拼Laam2 Caau2 Baa1),本名劉祖廸英文Finn Lau),係一個香港出身嘅政治人,因為喺反逃犯條例修訂運動期間提倡「攬炒主義」而出名。而家住喺英國

早年[編輯]

劉祖廸大學讀測量,畢業之後入行做測量師,攞到專業資格,曾經喺香港、新加坡、英國執業,由2019年起住喺英國倫敦[1]。佢喺連登討論區個用戶名叫「我要攬炒」,所以有「攬炒」呢個稱號。佢話佢冇政黨聯繫,「只係一個好熱愛香港嘅普通人」[2]

反修例運動[編輯]

攬炒巴喺反修例運動早期提出「攬炒」策略,一開始嘅議題係香港好多親中派人士有外國護照,一邊攞住西方世界嘅保障,一邊打壓香港人嘅人權,應該要求佢哋取消外國護照,等佢哋推《逃犯條例修訂草案》嘅時候會顧忌[3]。「攬炒」嘅諗法係政權要傷害香港人,香港人一定要令支持政權嘅人自己都受傷,引用《飢餓遊戲》對白「If we burn, you burn with us」[4]

攬炒團隊[編輯]

「攬炒」倡議越來越多人支持,令攬炒巴開始出名。佢透過 Telegram 通訊軟件搵到一班同路人,一齊做「國際線」倡議,並且同喺英國、美國活躍嘅「Stand With Hong Kong」團隊合流,外界統稱「攬炒團隊」[4]

2020年7月,攬炒團隊喺英國幾份主流報紙登報,指控中國共產黨違反《中英聯合聲明》,廣告喺《衛報》、《倫敦晚旗報》、《旁觀者》、《新政治家》見報[5]。8月,佢哋同「G20團隊」合作,趁住G20峰會喺至少九個國家登報,要求國際社會關注香港警察暴力[6],又喺十幾個國家發起支持香港抗爭運動集會[7]。11月,美國《香港人權與民主法案》通過之後,佢哋整合咗有份逼害香港示威者嘅親中派人士名單,交畀美國建議佢哋制裁[7]

俾人拉[編輯]

攬炒巴喺2020年元旦大遊行之後俾香港警察拉咗,係嗰日好多個俾人拉嘅示威者之一。嗰陣時佢以為自己嘅攬炒巴身份已經俾警察發現咗,一世唔會再自由,人生就噉玩完。但結果佢個身份冇曝光,警察只係當佢係求其一個示威者,扣留咗佢48個鐘。放返出嚟之後,佢即刻搭飛機返咗英國,之後繼續喺英國支援香港抗爭運動[2]

喺《香港人權與民主法案》通過後,攬炒巴聯同香港大專學界國際事務代表團製作咗一份制裁名單報告,報告列出咗大約140名政府官員、警方高層同親中派人士嘅言論同行為,指控佢哋侵犯人權,當中包括林鄭月娥李家超鄧炳強何君堯等人,又遊說多個國家取消香港獨立關稅區嘅地位[8][9][10]

後續行動[編輯]

2020年8月,《香港國安法》頒佈生效之後,香港政府宣佈攬炒巴犯咗國安法,而家係通緝犯,並且公開佢嘅身份[11]。10月,劉祖廸拍片公開承認自己就係攬炒巴,同時宣佈攬炒團隊正式分家,分成攬炒巴本人領導嘅「攬炒團隊」(Hong Kong Liberty)同埋其他匿名領袖帶領嘅「重光團隊」(Stand With Hong Kong)[12]

攬炒巴2020年尾喺倫敦俾人襲擊[11]。一開始有人話佢扮俾人打搏同情,之後佢貼咗自己受傷嘅相同埋醫生紙上網闢謠。佢相信襲擊佢嘅人係受中共指示嘅打手[13]

2021年4月,佢宣佈暫時擺低測量師事業,全職做香港議題嘅國際遊說工作[14]

參考[編輯]

  1. "Wanted Hong Kong activist Finn Lau - behind the faceless 'Laam Caau' persona - says he will seize any 'chance of survival and give back'". Hong Kong Free Press HKFP (英文). 2020-10-25. 喺2021-05-03搵到.
  2. 2.0 2.1 "「攬炒巴」劉祖廸拍片現真身 透露曾於元旦遊行被捕 冀成地下抗爭組織及外國政府溝通橋樑 | 立場報道 | 立場新聞". 立場新聞 Stand News (英文). 喺2021-05-03搵到.
  3. "「攬炒」一詞源於撲克牌遊戲 Ben Sir教路泛民迎戰建制炮轟". 香港01. 2020-05-07. 原先內容歸檔喺2020-09-01. 喺2020-05-28搵到.
  4. 4.0 4.1 "【連登動員.上】專訪「我要攬炒」真身:香港人未放棄,我們也不放棄". 立場新聞. 2019-07-18. 原先內容歸檔喺2019-12-17. 喺2020-05-28搵到.
  5. "連登「我要攬炒」發起 今起英報登廣告 控訴中國違反聯合聲明 冀英港「同行作戰」". 立場新聞. 2019-07-24. 原先內容歸檔喺2019-08-14. 喺2020-05-28搵到.
  6. "全球11報章眾籌廣告出爐 籲國際社會關注香港警暴" (中文). 852郵報. 2019-08-19. 原先內容歸檔喺2019-08-23. 喺2020-05-28搵到.
  7. 7.0 7.1 "攬炒巴、學界代表團製建議制裁名單 林鄭、李家超、何君堯等逾百人上榜". 立場新聞 (中文). 2019-12-21. 原先內容歸檔喺2020-05-26. 喺2020-05-28搵到.
  8. "攬炒巴、學界代表團製建議制裁名單 林鄭、李家超、何君堯等逾百人上榜". 立場新聞. 2019-12-21. 原先內容歸檔喺2020-05-26. 喺2020-05-28搵到.
  9. "【抗暴之戰】「我要攬炒」秘製過百頁制裁名單 游說取消港獨立關稅區觸發「支爆」". 蘋果日報 (香港). 原先內容歸檔喺2020-09-01. 喺2020-05-28搵到.
  10. "攬炒巴真身︰攬住中共死才有新香港". 蘋果日報 (香港). 原先內容歸檔喺2020-09-01. 喺2020-05-29搵到.
  11. 11.0 11.1 "Wanted Hong Kong activist Finn Lau - behind the faceless 'Laam Caau' persona - says he will seize any 'chance of survival and give back'". Hong Kong Free Press HKFP (英文). 2020-10-25. 喺2021-04-11搵到.
  12. "無懼通緝現真身 攬炒巴:相搏到底". 蘋果日報 (中文). 2020-10-05.
  13. Kong, Dimsumdaily Hong (2021-01-04). "Finn Lau who is in exile in U.K. reveals photo of his head injury after being beaten". Dimsum Daily (英文). 喺2021-04-11搵到.
  14. "攬炒巴:辭測量師工作全職為港服務 擬辦 2021.6.12 全球行動企劃 | 立場報道 | 立場新聞". 立場新聞 Stand News (中文). 喺2021-05-03搵到.