救主堂 (廣州)

基督教救主堂
廣州市文物保護單位
喺邊	廣州市越秀區萬福路184號
座標	23°07′20.77″N 113°15′57.42″E
類	民國建築
時代	清朝
冧	8-46
登錄	2015年8月19號
地圖

救主堂（粵拼：gau3 zyu2 tong4）係中國廣東廣州嘅一間基督教堂，喺1919年起好，位置喺越秀區萬福路184號。佢既係廣州地區，早期有聖公會教堂特色嘅建築，又係廣州市嘅文物。

史

1903年，聖公會港粵教區嘅英國主教派咗華人牧師——莫壽增到廣州傳教，1904年重租屋搞事務所，先後喺海珠區岐興南約、東橫街、南關福安里一帶整咗提多學校。直到1912年先正式買咗萬福路一帶用地嚟起救主堂，而工程喺1919年搞掂。教堂起好珠海重起埋副堂出嚟，重喺1928年開咗提多幼稚園同提多小學。甚至喺副堂開埋診所嚟免費幫人醫病。廣州解放之後，救主堂先後同興華浸信會堂、高第堂、越華堂、文明堂、福音堂、維新堂同南關堂等7間教堂合併咗。雖然文革期間，教堂同副堂俾外單位霸咗，但1985年4月12號，救主堂正式恢復返宗教活動。1997年2月，救主堂東邊嘅牧師樓被拆除重建兼改名做「鴻福樓」，重喺1999年5月起好。同年重將大堂同副堂啲屋全面翻新咗。2015年8月19號，廣州市人民政府為咗保護街區嘅歷史文化，先至將救主堂列入咗第八批市級文物。

風格

間嘢嘅外墻用紅磚整，有鋪綠琉璃瓦，主體建築面前有座四角尖頂嘅方形塔樓，建築從頂望落去好似個大十字架噉，面積大概1600平方米。教堂後邊重有個副堂響度。而大堂嘅地面同廣場，喺1999年重修時分別鋪咗大理石同地磚上去。而二樓係教會專用場地，分為禮堂仔、接待室、詩班室、兒童活動室、電腦室同埋同工辦公室。

攷

• 广州市基督教救主堂简介 广州市基督教会网站
• 救主堂 北京路文化旅游区
• 原来广州隐藏了这么多传统教堂，过圣诞怎能少得了！