教宗名號

2024年聖伯多祿大殿入面嘅教宗名單

教宗名號（英文：Papal name）係教宗用嘅稱號。早期嘅教宗只係用返自己個本名，冇乜特別名號，但自6世紀開始有教宗選擇用另一個名；由1555年開始每個教宗都會用唔係自己本名嘅名號。教宗名號都係教宗上任嗰陣改，一用就用成世，唔會中途再改名。

事緣係公元533年，有位叫墨丘利嘅做咗教宗，佢覺得教宗用個咁嘅名好唔妥，所以改咗自己個名做若望，是為若望二世。

用得最多嘅教宗名號亦係若望（John），已經用過21次（實際排到23世）；第二係國瑞（Gregory），已經用過16次；第三係本篤（Benedict），已經用過15次（實際排到16世）；第四就分別係克勉（Clement）同良（Leo），一樣已經用過14次。