《教宗選戰》（英文：Conclave）係套2024年上畫，英國美國合拍嘅懸疑驚慄片。套戲由愛德華伯格導演，賴夫費恩斯、史丹利杜斯、尊力夫高同伊莎貝羅西里尼主演。套戲講述教宗突然離世，樞機羅倫斯（費恩斯飾）負責召開教宗選舉，主持選出新一任教宗嘅閉門會議，調查各個候選人嘅秘密同醜聞。
《教宗選戰》獲得大量好評，尤其係喺表演、導演、劇本同攝影呢啲範疇。套戲入圍第82屆金球獎六項大獎，贏咗最佳劇本；喺第78屆英國電影學院獎贏咗最佳影片、最佳英國電影、最佳改編劇本同最佳剪接四個獎；喺第97屆奧斯卡金像獎度入圍八項大獎，最終贏咗最佳改編劇本。
