文革2.0
跳去導覽
跳去搵嘢
文革2.0，係指話文化大革命嘅升級版，呢家係一個網絡用語兼政治術語，係指代中華人民共和國喺習近平2012年上台做咗中共總書記、尤其習近平思想出街之後一系列嘅對包括言論自由等唔同方面打壓啲情況[1]。而喺香港網絡用語，係常指代返香港政府2019年後一系列嘅打壓言論自由等唔同方面啲情況[2]。2021年8月習近平提出咗要大力削減返啲過高嘅收入，時事評論員皇甫靜認為啲潛在嘅支持者會成為文革2.0嘅生力軍。民主中國陣線創辦人之一嘅萬潤南就認為中華人民共和國會行埋文革 2.0 條路[3]。
各地情況[編輯]
香港[編輯]
概念嘅提出[編輯]
2019年香港爆發咗反送中運動後，香港言論自由情況開始轉差咗，啲網民就開始批評話香港進入咗「文革2.0」時代[4][5]。
相關嘅事件[編輯]
2019年有名小學教師喺工作紙出題等學生討論返點解社會入邊會有人提出港獨嘅睇法，收尾就俾特區教育局撤銷咗任教資格，到2020年香港中學文憑試，歷史科有一條題目係俾考生根據返啲材料自己去論述1900-1945年間日本為中國（中華民國）帶嚟嘅利弊，收尾又係俾特區教育局取消埋題目，都俾啲網民話係「文革2.0」嘅做法[6][7]。
參考[編輯]
- ↑ 胡少江 (2019-09-06). 〈【胡少江評論】習近平帶領中國向「文革2.0」加速狂奔〉. 自由亞洲電台.
- ↑ 葉一知 (2020-05-20). 〈中國文革 VS 香港文革 2.0〉. 立場新聞. 原著喺2020-09-23歸檔. 喺2021-08-27搵到.
- ↑ 〈中央財經會議定調財富「三次分配制度」 習近平重提毛澤東「共同富裕」倡議〉. 《自由亞洲電台》. 2021-08-18.
- ↑ 〈香港刮文革风 教师忧遭学生举报〉. 德國之聲. 2020-10-26.
- ↑ 〈【文革 2.0】梁振英：教師令青少年「激進化」 803 基金收家長情報 不排除合力控告學校〉. 立場新聞. 2020-11-17. 原著喺2020-11-25歸檔. 喺2021-08-27搵到.
- ↑ 〈小學老師教材討論「港獨」，反送中以來首名教師被撤銷任教資格〉. 關鍵評論. 2020-10-06.
- ↑ 〈【香港文革】歷史科出題遭批鬥 考評局經理：請辭因龐大政治壓力 為遮答案流淚〉. 立場新聞. 2020-12-01. 原著喺2021-01-20歸檔. 喺2021-08-27搵到.