新八佰伴

新八佰伴（New Yaohan）係澳門唯一一間百貨公司，喺1997年9月18號成立嘅，由母公司澳門旅遊娛樂有限公司做同管理。而新八佰伴嘅地部就喺南灣蘇亞利斯博士大馬路90號嘅新八佰伴大樓，入面有九層係賣嘢，同埋有三層地牢停車場。

背景

新八佰伴原先係日本八佰伴（Yaohan）嘅澳門分店，喺1992年係友誼大馬路開張，成為全澳門唯一一間嘅百貨公司。而係1997年9月18號，日本八佰伴嘅總公司喺日本透過《會社更生法》申請咗破產之後，澳門分店就由澳門旅遊娛樂有限公司全權接手打理，同時亦改名做「新八佰伴（New Yaohan）」繼續開門做生意。

由八佰伴年代，去到新八佰伴年代，地部一直都喺澳門新口岸友誼大馬路，但係去到2008年嗰時為咗配合母公司（澳門博彩股份有限公司）搞嘅海洋之神（Oceanus，後嚟變咗做海立方娛樂場）計劃，所以2008年8月1號友誼大馬路嘅八伯件就落門唔做生意一嗰禮拜準備搬走嘅事，之後就喺8月8號搬到南灣嘅新八佰伴大樓繼續做生意。

2010年3月22號，新八佰伴投資成3000萬，喺澳門外港客運碼頭搵咗佔地有成11000平方呎開咗間新八佰伴Outlet。

新八佰伴大樓

新八佰伴百貨（舊鋪）

喺澳門新口岸友誼大馬路嘅新八佰伴大樓舊址喺1992年起好，南邊對住皇宮娛樂場、澳門漁人碼頭，北邊對住回力娛樂場，東邊就對住水塘，有四層樓高同一層地牢停車場。雖然舊鋪係喺旺地度，但係澳門旅遊娛樂有限公司要嗰忽地做「海洋之神」嘅計劃，所以舊鋪就喺2008年8月2號落閘唔做生意準備搬走嘅事。而原址就改建成海立方娛樂場。

• 
  化妝品專區
• 
  兒童遊戲中心
• 
  超級市場
• 
  美食廣場

樓層

	賣嘢樓層	三樓	美食廣場／高級影音／居企電器／屋企用品／補鞋同配匙嘅服務／行李
		二樓	超市／餅店／廚房㗎生／運動／女士內衣／床上用品／按摩同保健產品／文具
		一樓	男士服裝／年青便服／內衣／皮具／啤啤用品同童裝／玩具／咖啡店／兒童遊戲中心
		地下	化妝品／男女時裝／鞋及飾物／咖啡店／會員專櫃
	停車場	負一樓	地牢停車場同收費處

新八佰伴大樓（新鋪）

新八佰伴大樓就喺澳門南灣商業大馬路度，而且喺2008年8月8號開門做生意，東邊對住英皇娛樂酒店，西邊對住前初級法院大樓。搬鋪之後嘅新八佰伴由之前得四層加到去九層，而且多咗三層地牢停車場，而大樓入面其他樓層就係新八佰伴嘅辦公室同貨倉。新鋪每層都有唔同主題，但係面積比舊鋪細，總面積亦比原嚟嘅舊鋪少咗10%以上，一啲專櫃同部門都有改過。

• 
  化妝品專區
• 
  啤啤用品／童裝／玩具專區
• 
  美食廣場

樓層

	賣嘢樓層	九樓	新八佰伴辦公室同接待處
		八樓	美食廣場／高級影音／按摩同保健產品
		七樓	超級市場／餅店／服務專櫃
		六樓	家居電器／廚具及家庭用品／補鞋及配匙服務／行李
		五樓	啤啤用品／童裝／玩具／文具／禮物包裝
		四樓	床上用品／皮具飾物／女士服裝／女士內衣／太陽眼鏡
		三樓	運動服／年青便服
		二樓	男士服裝／男裝鞋／飾物同內衣
		一樓	化妝品／男女時裝／鞋及飾物／咖啡店
		地下	化妝品／男女時裝／會員專櫃
	停車場	負一／負二／負三樓	三層地牢停車場（收費處喺負一樓度）

新八佰伴Outlet（外港碼頭分店）

新八佰伴Outlet

喺新口岸外港客運碼頭三樓海港城大酒樓舊址，喺2010年3月22號開幕。