新型撞車碰瓷黨

新型撞車碰瓷黨係2026年1月起無綫電視《東張西望》着力指控，喺香港撈敲詐勒索嘅集團（數量冇明狀），典型案情係輕微交通意外發生後（可能隔超過一年，而且往往係目標被判罪（那怕只係小額罰款嘅瑣事）之後），某（一至多）批醫生同律師為事件中輕微受傷甚至冇受傷嘅冇交通犯規人士，虛報受到重傷兼要長期停工養病，並向犯規人士索取天價賠償，報導指受害者同施害者皆眾多，金額龐大，活躍最少幾年，無綫電視指收到過百宗類似嘅舉報，除咗陸續報導部分個案，亦揾唻陸偉雄帶領集體報警，有自媒體則話從律師界收到嘅風係：計埋冇揾該電視台嘅，同系列事件為數約五百。港警於2026年2月指審視緊嘅類似個案超過七十單，拘捕咗4個疑犯，更預計會有更多行動，又有警察去林逸華律師行搬走咗堆文件查案，後者隨後去高等法院申請司法覆核，話嗰堆文件有部分有保密義務。行政會議成員陳健波則強調保險公司可靠同厲害，呼籲苦主要聽保險公司話，不過有若干案例係苦主發覺若干保險公司可能係不良律師行嘅盟友，原本企硬踢保嘅保險公司會喺苦主自行揾到索償方刑事詐騙嘅證據之後，突然聲稱因愛護客户而做義工噉積極介入，不虞有詐嘅苦主預料保險公司會用專業手段揾執法部門收拾對方，自己同保險公司都唔使賠錢，不過結果往往係保險公司離奇噉代表苦主放棄追究對方刑事責任，只係減價成交，並以代表身分替苦主同意以保險公司同苦主分擔賠錢嘅形式處理，保險公司由原本堅定噉連人力都唔肯花，變成反轉立場搶住出人力，再到無端端喺賬面上似乎自願大蝕一筆，令人莫名其妙，誠信備受質疑。代表保險業界嘅立法會議員陳沛良同若干保險商會領袖羅少雄公開宣傳嘅標準應對辦法係收到傳票之後立即通知保險公司，不過多個苦主側面印證嗰啲係山埃貼士，聲稱之前正正係噉樣做，就俾保險公司咬文嚼字，話已經算遲咗申報而拒絕理賠，話要意外發生後即刻話畀保險公司知，對應保單條款先至生效，反而會指示投保客户扲自己荷包向敵對律師行賠錢，縱使會聲稱幫手詏數壓價甚至話規外開恩幫佢揹一部分，保險公司疑似做媒，坊間因此及其他跡象懷疑該類疑似罪案嘅搞手包括高級兼龐大且跨越保險界同法律界等嘅勢力，已經滲透政法機器及學教系統並掌握唔少特權，並紛紛讚賞無綫電視新聞類職員勇敢同專業。到咗3月，香港警察捉多咗十六個人，同批案件總數加到四百幾十，香港保險業聯會陣營亦總算表現出反詐騙傾向（其政治地位甚高嘅行業翹楚聲稱保險公司好勁揪，有本事保護保客利益，不過消息披露顯示佢哋嘅法律專才竟然手執幾百單所謂冤案，幾年以嚟都冇本事驅使執法部門做嘢，仲要強調孱弱受害者角色，論述矛盾。），例如警方表示有堆個案係最近（先至）由該組織轉介。

各方輘輷

保險界

• 陳健波（立橋保險）
• 陳沛良（中國太平保險）
• 羅少雄（世運保險）

以上保險業商、政、學界等權威人士都被批評老點公眾，以及為保險公司選擇性引用規則嘅陋習洗白；保險客人跟佢哋嘅指引操作嘅話，隨時會俾保險公司名正言順噉踢保，等苦主孤軍作戰，由得佢被敵對律師行剝削，不過當個別苦主單憑自己能力攞到對方刑事犯罪嘅證據，得到有望反敗為勝嘅機會，保險公司偏偏會離奇插手，不過係代表苦主投降，又軟硬兼施要己方保客向對方賠償，附上所謂自己義務幫保客減低咗損失嘅奇怪説辭。無綫電視報導嘅個案中指保險公司喺部分個案損失唔少金錢（部分冇損失……），坊間有套流行講法引用保險公司嘅法律力量普遍強勁嘅常識，指出律師樓理應難以屈到佢哋攞錢，由此推斷唔少保險公司同嗰啲主導冤案嘅律師樓係同夥，夾份掠投保客人水，不過有保險理賠員向該電視台指自己與行家均同該類律師樓勢不兩立，又講述自己嘅苦戰經歷。另一單2018年案件顯示某保險公司同某律師樓合謀作奸犯科嘅嫌疑：由於碰撞輕微，事發當日，後來被索償方懶得通知保險公司，隔一排索償方出招時佢先至向保險公司求救，保險公司就話遲咗申報，拒絕受理，到後來被索償方自己揾到索償方涉嫌刑事詐騙證據，有望唔使賠錢甚至反索償，保險公司就變卦並“伸出援手”，“幫”佢處理文件，過咗一輪，刑事反擊時機錯過咗（亦有可能係保險公司的確有積極討伐，不過政法系統貪贓枉法程度超過預期，終於將佢擊退……），保險公司就侷佢向對方賠四十萬，又聲稱自己已經努力同律師樓講數壓價，仲自己捱義氣幫佢賠咗另外四十萬。某自稱安迪嘅司機指，喺一單2023年嘅輕微車禍過後，即時報警、即時通知保險公司，按保險界專家嘅理論，騙徒無從入手，不過實際結果係保險公司先向客人安迪攞萬零蚊所謂墊底費，然後某律師行向佢索償二百幾十萬蚊，又係幫唔到手甚至可能企喺對手嗰邊，令香港保險行業嘅聲名更加狼藉。

法律界

• 林逸華律師行

有自媒體話保險公司全行將以上律師行列入黑名單，逢係遇上佢哋代理嘅案，保險公司都唔會賠錢；不過至於係出錢出力攬住自己啲客齊齊唔畀錢，定係同佢哋達成咗協議，會由得佢哋被屈錢，甚至參與詐騙同時分成，似乎冇形成行規。“@升旗易得道tuesdayroad”話收到褟氏律師行嘅警告性律師信，“@Lion哥的投資世界”話有人用法律手段令YouTube將其〈=2.5 貪污大國、詐騙之都｜交通意外碰瓷案，港警象徵式拉3男1女，包括一對夫婦及謝悅夫、鄭志材醫生｜主謀林逸華律師師爺揚言免費廣告｜開埋其他逍遙法外律師樓名！〉影片作地域封鎖，喺香港網域播放唔到；兩者均疑似發布過獨家消息，不過遠少於該電視台。某林律師亦似乎就寵物咬人事件屈其主人畀幾十萬蚊，周旋到最後幾萬蚊成交。某楊先生自稱輕微車禍後被某林律師行遊説夾份呃其他人錢，某林律師行警告佢保密否則用法律手段對付佢，不過佢照樣將錄音同稿紙等物證交畀記者，隨後《東張西望》公諸於眾，佢又話後來差人揾佢攞咗嗰批材料辦案。某化名威文嘅被索償者（情節係私家車刮花同的士甩燈罩不過的士司機之後報稱當時重傷嘅所謂嚴重交通事故）向無綫電視投訴自己聘請同索償律師樓對抗嘅律師樓，話佢就辦事程序對自己遮遮掩掩，要靠親自查冊同未被邀請都親身上庭先至略知一二，可能做緊啲對佢不利嘅嘢，而且己方保險公司以所謂遲咗通知事件為理由唔肯為佢賠錢，反而自己請嗰間律師行同自己投保嗰間保險公司好流暢噉互動，威文話消費式畀咗三萬蚊己方律師行後，保險公司就配合敵方律師行噉樣開個三十幾萬蚊嘅賠償估計，叫佢保證式交畀己方律師行（律師行話視乎官司結果可能有得攞返部分或全部，威文就話覺得舐咗嘢，成䊆錢凍過水），以及己方律師行同索償律師行及法官嘅互動拒絕話畀佢知等做法表示可疑，嗰間律師樓回應電視台記者查詢就否認揾威文笨，話一直落力為佢辦事，已經做咗一系列工作，收費合理之類。

醫護界

• 謝悦夫
• 鄭志材

以上人物被指開大量病情虛假嘅醫生紙。

公務界

• 律政司：有律師指雖然未有塌塌陷嘅法例適用於呢款醫生，但係是次情況同之前輕易收拾濫發武漢肺炎免針紙醫生嘅相當，因此短期照板煮糊搞掂交通意外詐騙類醫生唔困難，縱使完善嘅長期方案仍需研發。亦有案件嘅情況係索償方嘅重傷同行動不便等謊言被被索償方跟蹤偷拍拆穿反擊，造假者只係取消索償，冇被起訴詐騙類罪名，其後該團伙核心（律師樓、私家診所）繼續同其他人合作向其他人重施故技。
• 警察：有自媒體指收到料得知可能涉及內奸洩漏數據庫資料，幫助律師樓物色落手目標，高層已發出捉鬼指令。亦有前差佬報料話部門嘅制度唔妥，差人雖然經常見到內容無稽嘅醫生紙，都要當佢係合理噉立案，行既定流程，淪為幫兇。

• 法官：某林律師同拍檔一齊拍片並喺YouTube頻道發布，以反駁“大台”主軸內容，甚至略帶乘勢賣廣告意味，強調唔會瓜分賠償云云，又指明就輕瓊撞車索償幾十萬係行內常見做法，話香港法官噉樣如律師所願判決亦係常態，甚至指出疑似指控佢哋嘅某“大台”嘉賓陸大狀嘅辦事處一擔擔，有單案例係佢檔嘢為某車禍“傷者”打官司，甚至只係話輕傷而唔係聲稱重傷請長病假，索償金額及獲賠金額都同嗰啲被“大台”話唔妥嘅案件同級（數以港幣十萬蚊計）；大意係側面指相關部份司法規矩係崩壞而非只有漏洞，乃至於各行家如此弁利唔係捐法律罅，而係爭着打橫行式比拼；顯示某批香港法官嘅辦事模式經常亦同當地平民百姓嘅常識脱節，法律界（包括法官同律師）嘅利益同外行人（包括保險界同運輸界）嘅公道亦週不時對立。隨着更多苦主似乎喺法院睇嚟無理被判輸嘅個案紛紛被報導，法官嘅能力同操守乃至審判系統嘅污淨均備受觀眾質疑。
• 跨類別：某林律師屬下嘅師爺向某楊司機推銷服務時指其作案共犯有大把，包括差佬、消防、救護等政府人員，話可以一面謊稱當時請病假休養中，一面照常開工收糧，而且噉嘅套路行之有效；該講法真偽待核實。某靠協助陸港公民投資去敵國日本，從中弁利嘅藍絲帶商人，指朋友施永青嘅親戚都遭遇該類詐騙，雖有雄厚建制派勢力仍戰敗，又暗示某林律師屬黃絲帶陣營；由於該類大茶飯得以食到，需要多方公務員長期反常操作配合，而愛國者治港嘅政府體系又以奉公守法著名，顯示政府內部被奸細潛伏問題似乎十分嚴重。

交通界

有自媒體指起初扮演傷者嘅多為一早同律師樓勾結咗嘅的士司機，而且有較多舊式碰瓷嘅博被撞手段，訛詐目標以保險公司為主；然後該弁利途徑變得暢通，產業先至膨脹至集團會積極接觸發生事故冇幾耐嘅陌生司機乘客，遊説佢哋合謀作案，掠水目標亦變到有好多司機個體。

散工界

多方報料人指交通意外後事主會去嘅地方，例如法援處、社福署同公營醫院等裏／外會有艇仔兜搭佢哋，遊説參與該類勾當，有啲位置嘅生意競爭甚至激烈到會有蠱惑仔出動去暴力搶地盤。

自保與自救

「跑步少女」個案曝光後，有唔少網民勸喻事主以毒攻毒，申請破產合法走數，另外某林律師團隊經自己社交媒體公開反駁某李小姐並批評某陸大狀團隊其身不正，陸偉雄就經電視節目詳細講解佢嘅分析，批評警察處理影片等證據嘅做法對某李小姐唔公道，得到該種變相指導嘅某李小姐則話將會再次申請法律援助（某李小姐先前喺電視節目話警察、法援職員對待佢嘅方法都唔妥……）。除此以外，部分保險公司嘅誠信備受某陳小姐等唔少顧客及若干律師樓質疑，不良律師樓嘅慣用套路係事隔好耐，例如一年之後先至民事入稟索償，某啲保險公司嘅標準答覆係投保客冇一早申報，因此話雖然冇責任受理，但係賣大包代為同律師行講價，然後保險公司收客户多一筆錢，多除少補噉交畀律師樓，因此有保險業專家建議就算只係遇到芝麻綠豆嘅事，譬如毫無碰撞，只係因有人遠距離錄影到犯規等小事而舉報到收到罰單（某陳小姐嘅個案係舉報者話當佢架車喺前面不當切線，自己架車反應避禍時雖然冇碰撞，但係都戳到車中人重傷……），都要即時向保險公司申報，避免保險公司未必冇份嘅失德集團有機可乘，亦唔好貪圖可能有陷阱功能嘅所謂無索償折扣，因小失大。面對刑事控罪寸土必爭：某暱稱比達嘅人話揸車時因前面嗰架急剎掣，累到無辜嘅佢嗰架同後面嗰幾架都連環相撞，縱使力度唔大，之後比達喺法庭上隨便認咗不小心駕駛罪，以為向政府交千元百塊罰款同留案底就了事，後來收到民事索償幾十萬蚊嘅通知，先至知道疑似詐騙集團同法院行之有效嘅互動程序，係某司機喺交通意外中被定罪後先至淪為掠水目標，而且揾工時察覺個底花咗會屢屢碰壁，對於先前求其認罪後返唔到轉頭，悔不當初，至於保險公司唔教或幫佢妥善應付刑事案件，只係等到生米煮成熟飯先至參與講數，聲稱減少佢損失嘅處事手段，亦疑似抱怨。有律師婉轉提示發生交通意外後，要對政府、對方以及保險公司都警惕，極力提防佢哋使詐或蛇王，盡力紀錄現場情況，特別係針對對方司機乘客好地地或傷勢如何留低證據紀錄、有目擊者嘅話攞聯絡方法預備審訊時請做證人、盡快向保險公司鉅細無遺交出資料避免潛在不良保險從業員發現留白處並乘虛而入，予以踢保甚至畀出要求保客獨自硬食無理索償嘅迫害性回應、收到政府傳票後要善用法定權利，申請攞全部控方證據同檔案仔細參詳，包括未被採納嗰啲，除咗向潛在犯罪集團展示自己有見識與之抗衡，亦從中尋找對方嘅犯罪證據，唔好誤信官方若干害羣之馬向市民表示承認不小心駕駛罪只係罰少少錢同扣分等小事嘅誤導性例牌游説措辭。亦有保險業公會雖然片面誇讚保險公司把炮兼忠誠，但係都向司機畀出正路指引，例如要有平時都保留車嚂影片最少兩年嘅習慣，預備做證據，以及出任何大小事後唔好私了或（草率）認錯，兼要報警同即刻話畀保險公司知之類。