新香冰廳餅店
新香冰廳餅店係香港一間開喺葵涌石蔭路58號地下40幾年嘅餅舖兼冰室，呢間嘢嘅前舖賣自家製嘅蛋撻同糕餅，舖頭入面就同一般冰室一樣[1][2]。
史[編輯]
新香冰廳餅店早期以賣餅為主，後嚟一半賣餅一半做冰室。而賣糕餅就以夾餅為主，而夾餅係麵包糕餅邊條組合而成，由於係用下欄材料，所以好平。而當時嘅奶茶要8毫子一杯，早餐就要大約2蚊一份[3]。
除咗噉之外，當年新香冰廳餅店嘅店舖設計重領先同行，取消冰室常用嘅吊扇同掛牆扇，改用中央冷氣[2]。
經營[編輯]
新香冰廳餅店以大眾算盤計數，唔係逐樣嚟計利潤，所以價錢薄利多銷[2]。同埋新香冰廳餅店係做街坊生意，所以價錢唔會大幅調整，亦保留利錢微薄嘅麵包糕餅生意（新式茶餐廳好少賣糕餅，寧願放多兩張枱賺錢）[3]。