《旁觀者》係香港無綫電視拍攝製作嘅時裝懸疑電視劇，由周柏豪同王敏奕領銜主演，由吳若希、羅天宇、馬貫東、連詩雅、胡蓓蔚、謝東閔、周志康同鄧伊婷聯合演出，監製葉鎮輝。套劇圍繞住兩單兇殺案，受害人生前都係曾間接令親人死亡嘅「旁觀者」。
呢套劇喺2023年9月海外TVB Anywhere同中國大陸嘅優酷上架，未有安排喺香港myTV SUPER上架，亦未有安排喺翡翠台首播。
