日本財閥

日本財閥（日文：財閥／ざいばつ^zaibatsu ?）通常指由某一家族嘅獨佔出資作為資本中心嘅大型綜合企業。日文漢字「財閥」一詞大約喺西元1900年前後開始使用。最初係指某地嘅富豪，到咗明治時代末期，漸漸唔再限於某地，通指該富豪嘅家族。喺現今嘅定義入面，財閥指某家族或者佢擁有血緣關係嘅親戚所設立嘅母公司為中心，旗下擁有經營各式事業嘅子公司嘅企業集團。

概況

日本喺19世紀陸續興起咗三井商社、住友商社、三菱商社、安田商社等四大商社，呢四家商社嘅權力都集中喺某個人身上，而公司經營嘅企業大多又任用親戚擔任主要負責人。呢四家商社除咗工業之外，亦積極介入金融業，左手控制資本主義中最重要嘅資本，右手則控制生產工具，勢力非常龐大，通常亦會經營政府特許嘅行業。由於呢啲日本財閥喺二次世界大戰中為日本政府提供武器及經濟後援，聯合國駐日盟軍司令部將財閥視為「促成戰爭嘅經濟基盤」實行財閥解體政策，呢啲財閥因而被迫解散，但呢啲財閥喺戰後仍然以一種鬆散嘅企業聯盟型態再度集結。而事實上，呢啲聯盟內部之間仍然存在住唔小嘅競爭關係。而呢啲解散後財閥嘅繼承企業哋經營嘅事業至今掌握住日本大多數嘅經濟市場，好多喺國際市場上亦有重要影響力。

四大財閥

中小財閥

破產財閥

鈴木商店（日文：鈴木商店）

特質

典型嘅財閥具有以下五個特質：

除咗國有企業之外，一定係緊密嘅家族企業，企業內主要嘅資源都掌握喺少數人手中，而且彼此都有血緣關係。
企業經營嘅範圍廣泛，員工眾多，而且佔國民生產毛額相當大嘅比重。
財閥旗下通常都有金融業，方便企業調動資金（甚至非法借貸）。
企業集團內嘅交叉持股非常普遍，公司嘅經營權經過多次交叉持股後，增加咗財閥內嘅緊密度，方便相互借貸，同時亦造成財務透明度減少；不過集團內如果有企業經營唔好，亦經常互相牽連。
財閥通常同政府關係良好，經常獲准經營政府特許嘅行業，例如石化、重工等，而財閥亦會透過政治獻金、參選等方式，直接或間接介入政治。