明基醫院集團

明基醫院集團股份有限公司（BenQ BM Holding Cayman Corp.，港交所：02581）係中國內地一間民營綜合醫院集團。

旗下醫院

截至2025年6月30號，明基醫院集團喺江蘇營運兩間醫院。兩間醫院總建築面積合計約莫40萬平方米，註冊床位1,850張，團隊擁有超過1,000名醫生，其中包括35名來自臺灣同海外嘅專家。2024年，明基醫院集團嘅門診患者就診次數超過200萬人次，年住院手術量超過22,000例。

南京明基醫院2008年開始運營，2022年起獲評三級甲等醫院，係南京頭一間獲得三甲評級嘅民營醫院。

蘇州明基醫院2013年開始運營，係三級綜合性醫院。

明基醫院集團嘅控股股東佳世達科技股份有限公司喺1984年創立，係一間橫跨信息技術產業、醫療服務同產品（包括通過明基醫院集團經營醫院同埋銷售醫療設備同醫療產品）、智能解決方案同網絡通訊事業嘅科技集團。佳世達科技1996年喺臺灣證券交易所招股上市（臺證所：2352）。

明基醫院集團係佳世達科技旗下醫療服務事業嘅唯一品牌。

2025年12月，明基醫院集團喺香港交易所招股上市，係頭一間喺香港上市嘅臺資醫院，錄得超額認購5.28倍。招股價9.34港元，係招股範圍下限，上市頭一日收市報4.72港元，跌49.46%。

呢篇中國公司文係楔位文。歡迎幫維基百科擴寫佢。