星洲炒米係一種炒米粉，係香港、馬來西亞同海外唐人街常見嘢食，酒樓同茶餐廳都食得到。
星洲炒米個「星洲」，指嘅係星架坡，但係依道炒米唔係星架坡人發明，喺星架坡亦冇呢隻炒米粉，只不過佢同南洋嘅炒貴刁有少少似。有人認為星洲炒米係源自馬來西亞吉隆坡，但係香港嘅星洲炒米同馬來西亞嘅星洲炒米有明顯分別：香港嘅一定會落咖喱，所以會黃黚黚，而馬來西亞嘅就會落茄醬或者辣醬，所以會紅卜卜。星洲炒米重有其他配料：蝦、叉燒、雞蛋、芽菜同紅辣椒絲，有啲人重會落埋紅蘿蔔絲同葱段。
星洲炒米
