是否我真的一無所有

《是否我真的一無所有》（粵拼：si6 fau2 ngo5 zan1 dik1 jat1 mou4 so2 jau5）係臺灣歌手王傑嘅第三張國語專輯，呢張專輯喺1989年1月18號由飛碟唱片發行，李壽全監製。

曲目

曲序	曲名	曲	詞	編曲	附註	粵語版本
01	她的背影	王傑	王傑	陳志遠	台視八點檔《情深無怨尤》主題曲	誰明浪子心，收錄喺《誰明浪子心》專輯
02	是否我真的一無所有	陳志遠	陳樂融	陳志遠	MV由王傑、劉德華、岳翎、呂秀菱共同演出，電影《飆城》主題曲	一無所有，收錄喺《故事的角色》專輯
03	只有你	鈴木喜三郎	王傑、陳樂融	陳志遠	日語原曲《タッチ・ダウン》(TOUCH DOWN)，由清水宏次朗主唱，於1988年出版	做過捱過，由李達成翻唱，收錄喺《再一次》專輯
04	夢與遊戲之間	王文清	王文清	陳志遠
05	沉默暴風	周治平	劉虞瑞	陳志遠
06	你是你我是我	王文清	王文清	陳志遠		我知錯，收錄喺《人在風雨中》專輯
07	夢醒的我	呂國樑	陳樂融	陳志遠	同蘇芮合唱、李壽全和聲，電影《合家歡》國語主題曲	愛是現在，由葉蒨文翻唱，收錄喺《秋去秋來》
08	等待你的愛	王傑	王傑	陳志遠		煩惱只因我，收錄喺《誰明浪子心》專輯
09	為何流淚	王傑	王傑	陳志遠		為何分離，收錄喺《誰明浪子心》專輯
10	永遠在我心裡	王傑	王傑	陳志遠		一點滴詩意，收錄喺《誰明浪子心》專輯

呢個係充滿希望嘅春天
亦都係一個寒冷絕望嘅冬天
呢個係一個多情嘅年代
亦都係一個無情嘅年代
我哋擁有一切
我哋都一無所有

出道一年，王傑喺樂壇得到咗前所未有嘅成功，伴隨榮耀而嚟嘅，反而係四面八方嘅冷眼同閒話。喺沉默中生活，似乎都係為咗變成人哋嘅標靶而生活，佢似乎早已唔記得真實嘅喜怒哀樂。

過去呢一段流言蜚語嘅日子，王傑可能一世都未能遺忘。因為成名而付出嘅代價非常之大，幾乎令佢懷疑：我係未真嘅要走咗呢一趟？

邊個人都冇辦法解釋。因為贏咗世界嘅人可能一無所有，多情同無情不過係一線之間，邊個可以負責別人嘅生命？

如果王傑唔選擇唱歌，佢依家可能仲未知道喺邊一個角落翻滾，如果王傑一旦受到挫折、受到忌妒，就懷憂喪志、猶豫不決，我哋亦都只得將佢寫到傳奇，惆悵嘅留低一個名字。

呢個係歷史無情嘅巨浪，亦都係多情之人所需要穿越嘅考驗！

佢流緊淚，佢流緊汗，佢思考緊。

呢張專輯出版嘅前三個月，亦都係雨大浪大嘅時期，王傑某日晚上嘅遭遇，徹底改變咗自己。嗰個喺同樣寒冷嘅夜晚，響熟悉不過嘅小徑走着，燈火闌珊之際，隱約聽到咗自己嘅歌聲。

繼續走去，聽到嘅係佢自己嘅第一張專輯。響路邊一間「守望相助」嘅崗亭入面，一個六十幾歲嘅阿伯，佢專心嘅係一架陳舊嘅錄音機前聽王傑嘅歌，面容淡定而舒適。

王傑掩面而過，因為佢喊咗。兩邊大廈有幾多屋企，天光後嘅世界係多麼繁華，此時此刻，呢一間木屋、一個老人，反而真正安慰咗一顆疲憊嘅心。穿越咗年齡、背景嘅領會同瞭解，令空氣都開始溫暖。

王傑之後諗過，承認呢件事對佢非常之重大。佢重新睇到自己同第個人係憑乜嘢去交流、去感動，呢啲絕對唔係建立於並非事實嘅想像或者係街談巷議嘅評論中，反而係佢嘅音樂。今日，若果佢唱得未盡人意，佢甘心落敗，不然，佢唔可以輸得莫名奇妙。

就似咁，王傑發現到佢淨係一個歌手，亦都應該淨係一個歌手。

佢返到香港，響所有人嘅盼望之下，準備咗自己嘅第一隻廣東大碟。佢抬頭面對住臺灣，呢個令佢又憎又愛嘅地方，默默進行新唱片嘅錄音，佢避無可避嘅知道：有好多人唔希望王傑畀佢哋失望。

鮮花、掌聲、名利同愛情，之不過都係夢同遊戲之間嘅過眼雲煙，王傑可以沉默不語、可以依舊脆弱，不過佢必須一路往前走去。

長夜裏嘅歌聲依舊溫暖，黑暗中嘅燈火依舊動情，不過王傑淨可以將感激同啟示埋藏心頭，一路不回頭，往前走去。

地區	日期	格式	版本	唱片公司
臺灣	1989年1月18號	卡式錄音帶 CD	標準版	飛碟唱片