時代力量反對選罷法排黑條款傳聞

時代力量反對選罷法排黑條款傳聞，係指時代力量喺2023年5月就選罷法修法期間投下反對票所引伸嘅傳聞。當時由於時代力量同國民黨都投下反對票，所以時代力量被一啲民進黨支持者批評，話佢哋為國民黨護航，甚至有人話，就係因為時代力量投咗反對票，所以有一啲國民黨涉及黑金政治嘅人先可以繼續參選。但當時時代力量黨團就已經解釋，話有關修法違反法律基本比例原則，亦有提出佢哋認為更恰當，涵咗經濟、金融、國安等犯罪，並根據犯罪嘅類型同刑度，劃分唔同禁止參選期限嘅版本。最終，時代力量同民進黨都互相就對方嘅版本投下反對票，但由於民進黨喺立法院單獨過半，民進黨版本獲得通過。

背景

自2022年起，立法院就開始審議「公職人員選舉罷免法」嘅修訂，明定曾經犯組織犯罪防制條例之罪，及曾經犯製造、運輸、販售毒品、槍砲同洗錢、等惡行，經有罪判決確定者，終身唔可以參選。

立法院副院長蔡其昌喺臉書表示，國會呼應社會期待拒絕黑金亂政、反對槍毒治國、更拒絕有國安疑慮嘅人士擔任台灣公職系統嘅候選人，話噉樣係民主社會嘅進步，亦係民進黨捍衛民主政治嘅不二立場」。

部分行政院修法版本爭議

• 《洗錢防制法》（《洗防法》）入列選罷法入面嘅禁止參選條款，被質疑打擊面過廣，終身禁止參選不符比例原則，唔少立委立委質詢內政部部長林右昌時就曾提醒，近年有年輕人被騙而觸犯《洗防法》，若因此終身被剝奪參選資格，過於嚴格。國民黨立委林思銘、民進黨立委莊瑞雄同時代力量邱顯智接受訪問嘅時候都有批評。
• 執業律師江榮祥指出，《刑法》本來就有「主刑」、「從刑」之分，褫奪公權屬於「從刑」，由法官判決附帶宣告，除咗死刑同無期徒刑之外，褫奪公權均有時限，最長10年。若照政院版本通過，台灣法律體系好難「自圓其說」，例如有人被宣告褫奪公權3年，期滿後理應復權，但因為《選罷法》限制唔可以登記參選，就會同《刑法》產生矛盾。
• 「排黑」條款修法對於有罪判決確定但被宣告緩刑者，是否也終身禁選，朝野立委與行政機關也無共識，邱顯智話，若輕罪終身不得參選，就是比例失衡。

時代力量立場

時代力量認為，民進黨所提出嘅版本準備得太過倉促，又話唔分罪責輕重，唔應該只要一審判刑，法院都仲未判決定訖，就一律終生禁止參選。佢哋話司法院喺委員會審查時，就一再表示反對，認為未來有好大嘅爭議，認為噉樣嘅立法違反法律基本比例原則。時代力量立委邱顯智質疑，選罷法修法有侵害人權、違憲疑慮，舉例話誤植大麻種子緩刑嘅微罪，卻連里長、村長都終身唔得參選非常離譜。佢又話，民進黨版本並未處理黑道仍然能夠透過白手套介入政治嘅問題。

時代力量又提出嘅係涵蓋咗經濟、金融、國安等犯罪，並根據犯罪嘅類型同刑度，劃分出禁止登記參選嘅唔同期限，如被判刑3年，就5年唔可以參選；被判5年以上，7年唔可以參選等，先會有層次區隔，而唔係只有終生禁止參選一種選擇。

審議結果同後續

時代力量同民進黨都互相就對方嘅版本投下反對票，但由於民進黨喺立法院單獨過半，時代力量並無能力影響民進黨全體支持嘅法案能唔能夠通過，民進黨版本最終獲得通過。

雖然時代力量嘗試提出佢哋認為更好，可以顧及比例原則嘅版本，但有啲網民仍然覺得時代力量咁樣係「打假球」，對佢地批評。