普世價值
普世價值（英文：Universal value），係講一種值，係咪人人都認為值。人嘅值之中，有道德、美感偏好、人有特徵、人所熱衷、社會秩序。有無普世價值，喺道德哲學、文化人類學，都係未證實嘅命題。雖則有啲喜好，繁花世界，人人都見喜好，如外表吸引，後生，對稱，而有啲，例如苗條，就歸入相對美感之內，要睇文化準則。唔只美感，如道德一樣有相對，相對道德者，就唔認為道德有普世價值。
聲稱一樣嘢屬普世價值，有兩種唔同途徑，一者，佢係人人都覺得值。二者，人人有條理咁諗過，都覺得值。前者乜時乜地乜處境，都見得絕多數係。後者就有人話唔係，只要諗清楚，就覺得值。如甘地話非暴力係普世，現況有好多人唔係咁諗。咁就要拗，只要人諗清楚，大家都會覺得非暴力啱。
有好多唔同嘢，都有人聲稱係普世價值，如生育、如享樂、如民主。係咪有普世價值，若果有，邊啲係，邊啲唔係，就睇心理學、政治科學、哲學。
哲學思考
[編輯]哲學上對普世價值嘅思考主要集中喺價值論同價值觀上，但喺倫理學、美學同政治哲學都起到重要作用。
倫理學思考
[編輯]歸結主義（英文：Consequentialism）認為只有產生具普世價值結果嘅行為至係正確行為。功利主義認為，快樂同痛苦係唯一具有普遍意義上內在價值嘅嘢。