景教

出自維基百科,自由嘅百科全書
Jump to navigation Jump to search
大秦景敎流行中國碑中文大秦景敎流行中國碑》上嘅十字蓮花。
唐朝景敎壁畫《聖枝主日祭》,高昌中文高昌出土。
唐朝景教耶穌像莫高窟藏經洞出土。
元朝祭壇式景教墓葬紀念碑

景敎係喺唐朝時傳入中國東方教會英文Church of the East(今日嘅東方亞述教會英文Assyrian Church of the East),即歷來被誤稱作聶思托里派敎會(Nestorian Church)嘅宗派[1],屬敍利亞基督敎英文Syriac Christianity嘅東派分支,係最早進入中國嘅基督宗敎敎派。該派敎會喺中國嘅傳播可大致分為兩個時期:第一期自公元7世紀首次抵達長安,獲唐太宗優待得以傳佈,至公元9世紀唐武宗滅佛,景敎亦受到連纍而日漸式微;第二期始於13世紀元朝建立後,景敎喺中國再度興盛,直至明朝建立為止。

雖然喺唐時信徒多為西域胡人中文胡人,卻亦有「法流十道,寺滿百城」嘅盛況[2]。並同祆敎摩尼敎合稱「唐代三夷敎」。景敎最知名嘅文物當係出土於西安嘅《大秦景敎流行中國碑中文大秦景敎流行中國碑》。9世紀嘅一部地理著作,提到成都亦有一塊景敎碑[3]

名稱[編輯]

景敎初入唐朝時,因當時東方教會嘅大本營喺波斯薩珊帝國,所以畀人叫做「波斯經敎」、「大秦敎」,後改名「景敎」,「景」有「光明」之意。西安景敎碑有云:「眞常之道,妙而難名,功用昭彰,強稱㬌敎。」香港大學美術博物館總監羅諾德Florian Knothe)話,景教呢個名有兩重意思,第一係指「光明嘅宗教」,另外則取「景仰」噉解,有敬畏上帝之意[4]

簡史[編輯]

將東方教會傳入中國嘅係敍利亞宣教士阿羅本英文Alopen,佢喺公元635年抵達唐都城長安,唐太宗遣宰相房玄齡至西郊迎賓入內。太宗考查教義後,下令喺義寧坊造大秦寺一所。景教碑載:「大秦國大德阿羅本,遠將經像,來獻上亰。詳其教旨,玄妙無為,觀其元宗,生成立要。詞無繁說,理有忘筌。濟物利人,宜行天下。」唐高宗時,阿羅本獲封「鎭國大法主」,並下詔喺諸州建景寺,寺內亦懸掛唐朝歷代帝王像,令景教廣泛流傳。至唐代宗德宗時,靈武、成都、廣州等大城亦建有大秦寺。德宗建中二年(公元718年),立《大秦景教流行中國碑》,記錄咗景教喺中國嘅傳佈歷程。碑上有楷書三十二行,行書六十二字,共1780個漢字同埋幾百個敍利亞文英文Syriac alphabet唐武宗年間,因皇帝尊奉道教,下敕滅佛,其他宗教亦受連纍,令景教迅速衰落。

12至13世紀嘅蒙古地區重有好多景教團體,例如克烈英文Keraites汪古中文汪古乃蠻英文Naimans三部族都信景教,忽必烈母后唆魯禾帖尼英文Sorghaghtani Beki係出自克烈部嘅著名景教徒。元朝立國後,大量色目人來到中國令景教信徒回升。福建泉州發現好多元朝景教文物,可知嗰度係當時南方景教嘅中心,馬哥孛羅喺佢嘅遊記中都有記載佢所見到嘅元朝景寺同景教徒。知名景教信徒有拉賓掃務瑪英文Rabban Bar Sauma,佢曾自汗八里出使歐洲;生於汗八里嘅雅巴拉哈三世中文雅巴拉哈三世,後來做咗東方教會嘅牧首英文Patriarch

景教喺香港[編輯]

2010年11月5號,東方亞述教會英文Assyrian Church of the East加州區主教羅奕英文Mar Awa Royel到訪香港並喺信義宗神學院明節堂以亞述教會嘅東敍利亞禮英文East Syrian Rite擧行咗聖餐禮。羅奕話盼望將來有機會令東方亞述教會重返中國[5][6]

2015年6月10號,喺香港大學美術博物館擧辦咗「元代景教銅牌展」[7],同時擧行為期三日嘅「景教國際學術會議」[8]

經卷[編輯]

《大秦景教宣元至本經》經幢拓片
《景教三威蒙度讚》同埋《尊經》寫本,而家藏喺法國國家圖書館

以下都係唐朝所譯經卷。

教義
禮儀
冇流傳至今嘅經卷[9]

譯名解釋[編輯]

存疑

睇埋[編輯]

[編輯]

  1. 朱心然. "東方教會漢語作品:《三威蒙度讚》簡介". www.cclc.org.hk. 喺2018-06-29搵到. 
  2. 吳昶興 (2015年5月29號). 《眞常之道:唐代基督教歷史與文獻研究》. 基督教學術叢書/論著系列. 11. 新北市: 台灣基督教文藝出版社. 第 268頁. ISBN 978-986-61-3129-5. 
  3. Hans-Joachim Klimkeit (1995年4月10號). 《達·伽馬以前中亞和東亞的基督敎》. 世界文化叢書. 31. 林悟殊/翻譯增訂. 臺北市: 淑馨出版社. 第 100頁. ISBN 957-531-421-2. 
  4. 陳天惠 (2015-09-05). "元代景教銅牌的文化交流故事". christiantimes.org.hk. 喺2018-06-29搵到. 
  5. "The Return to China". news.assyrianchurch.org (用英文寫). 2010-10-07. 喺2018-06-29搵到. 
  6. 黎嘉晉 (2010-10-13). "東方亞述教會加州主教訪港 Mar Awa:盼把教會帶回中國". christiantimes.org.hk. 喺2018-06-29搵到. 
  7. "元代景教銅牌展香港大學美術博物館展出全球最大批景教銅十字". www.hku.hk. 2015-06-10. 喺2018-06-29搵到. 
  8. 李寶瑜 (2015-06-15). "銅十字 揭開景教千年文明". www.pentoy.hk. 喺2018-06-29搵到. 
  9. 楊愛程. "福音與中華:中文聖經的問世". www.vccstm.ca. (原先內容喺2018-07-01歸檔). 喺2018-06-30搵到. 
  10. 10.0 10.1 Toshikazu S. Foley (2009). Biblical Translation in Chinese and Greek: Verbal Aspect in Theory and Practice (用英文寫). Leiden: BRILL. 第 7頁. ISBN 9789004178656. 
  11. 吳昶興 (2015年5月29號). 《眞常之道:唐代基督教歷史與文獻研究》. 基督教學術叢書/論著系列. 11. 新北市: 台灣基督教文藝出版社. 第 226頁. ISBN 978-986-61-3129-5. 向師尊請益的乃門徒為首之「岑穩僧伽」(即新約中使徒西門彼得) 
  12. Anson H. Laytner; Jordan Paper, 編 (2017). The Chinese Jews of Kaifeng: A Millennium of Adaptation and Endurance (用英文寫). Lexington Books. 第 79頁. ISBN 9781498550260. 

相關書目[編輯]

  • 龔天民 (1960). 《唐朝基督教之研究》 (PDF). 香港: 基督教輔僑出版社. 
  • Hans-Joachim Klimkeit (1995年4月10號). 《達·伽馬以前中亞和東亞的基督敎》. 世界文化叢書. 31. 林悟殊/翻譯增訂. 臺北市: 淑馨出版社. ISBN 957-531-421-2. 
  • 翁紹軍, 編 (1995年5月1號). 《漢語景教文典詮釋》. 歷代基督教思想學術文庫:古代系列. 香港: 道風書社. ISBN 978-962-74-0956-4. 
  • 吳昶興, 編 (2015年4月3號). 《大秦景教流行中國碑:大秦景教文獻釋義》. 漢語基督教經典文庫. 新北市: 橄欖出版社. ISBN 978-957-55-6777-4. 
  • 吳昶興 (2015年5月29號). 《眞常之道:唐代基督教歷史與文獻研究》. 基督教學術叢書/論著系列. 11. 新北市: 台灣基督教文藝出版社. ISBN 978-986-61-3129-5. 
  • Roman Malek; Peter Hofrichter, 編 (2006-06-01). Jingjiao: The Church of the East in China and Central Asia. Collectanea Serica (用英文寫). Sankt Augustin: Institut Monumenta Serica. ISBN 978-380-50-0534-0. 
  • Christoph Baumer (2016). The Church of the East: An Illustrated History of Assyrian Christianity (New Edition) (用英文寫). London: I.B. Tauris. ISBN 978-1-78453-683-1. 

出面網頁[編輯]