更

  呢篇文講呢版講時間。想搵請輪住返工嘅話，請睇輪更。

更，時間單位之一，專用喺夜晚。依個單位有幾長，日日都唔同。佢定義為昏之後，曉之前，分成五更。昏為日入後兩刻半，曉為日出前兩刻半。由於畫夜長短都日日變，冬至至短，夏至至長，噉更嘅長短就以按地球公轉週期噉變化。之不過，變得來都好慢，可以按節氣計個平均約數，唔使日日計。

由於夜晚衹能睇星運行，先知時間，但噉好唔方便。於是乎會借漏依種計時器具報數，滴水計時，唔使睇天，唔使理天候，都報到更數。佢同百刻一齊量度。

五更會叫初更、二更、三更、四更、五更。初更喺昏之後，個天都黑齊，五更喺曉之前，天尚黑未光。三更就喺中間，亦即半夜，噉子時右左就走唔甩。爾五更並無固定時辰對應。由於唔同節氣，唔同地方，日入日出時間都有差別。緯度高啲嘅地方，季節日照長短變化較大，喺緯度低啲，長短變化又細啲。海拔亦會影響日出日入時間。所以要一個範圍，度身訂做。

入夜報更數，叫打更。

自從時鐘周圍都係，已經無必要報更數。

文

現今無報更依回事，然而更仍留喺日常用語，如三更半夜，又如不許留人到五更，又如看更、巡更、值更咁。甚至唔理更定義，叫輪更工作，唔限於夜晚，好似早更、午更、日更、夜更之類 。