曾文溪
| 曾文溪 | |
|---|---|
 | |
| 起源 | 東水山[1] |
| 出海口 | 安南區青草崙 |
| 流過嘅國家 | 台灣 |
| 長度 | 138.47km |
| 源頭海拔 | 2,609m |
| 平均排水量 | 74.9m³/s |
| 分水嶺大細 | 1,176.64km² |
曾文溪喺臺灣南部，係全臺灣第四長嘅河，屬於中央管河川。曾文溪發源自嘉義縣阿里山鄉嘅東水山[1]。流經臺南市楠西區、玉井區、大內區、山上區、善化區、官田區、麻豆區、安定區、西港區、七股區、最後喺安南區同七股區之間，流入臺灣海峽，全長138.5km，流域面積1,176.7km2，源頭海拔高2,440m，主要支流有塔乃庫溪、普亞女溪、草蘭溪、後堀溪、菜寮溪、官田溪等。史上曾文溪不時改道，被居民叫作「青瞑蛇」。1938年堤防完工後，河道逐漸固定。
臺南市以曾文溪係分界，劃分溪北、溪南地區。溪南地區似近都會區型態，以原臺南省轄市為中心；溪北就較近農村，中心聚落係原臺南縣縣治－新營，喺生活圈同文化上同嘉義都會區關係密切。
曾文溪有豐富嘅水力資源，全臺灣最大嘅水庫曾文水庫，盲喺曾文溪上游，此外，喺曾文溪嘅支流上，重有南化水庫同烏山頭水庫等，除咗供水發電之外，亦成為重要嘅觀光景點。此外，由於曾文溪帶住砂石同生物碎屑喺出海口沉積，提供咗大量養分，因而蘊育咗河口地區豐富嘅底棲生物同浮游生物，亦吸引咗大批水鳥喺呢度棲息。著名嘅珍貴鳥類黑面琵鷺就係棲息喺曾文溪河口北岸，因此設有七股黑面琵鷺保護區。臺灣第八座國家公園臺江國家公園範圍亦包括曾文溪口。
.jpg)