會戰

出自維基百科,自由嘅百科全書
Jump to navigation Jump to search

會戰粵拼wui6 zin3英文pitched battle)係一種戰役類型,由兩陣嘅陸軍(包括敵對雙方同埋友軍)集合兵力對打,係規模好大嘅戰役,會戰發生喺特定嘅時間同地點[1][2]

概要[編輯]

會戰嘅爆發係要經過雙方準備嘅,所以啲散兵短兵相接,就唔叫會戰,因爲佢哋係偶然撞見先有嘅細規模戰鬥。同時會戰係要雙方揀個時間、地點打過,如果有一方來唔切備戰、被迫應戰噉都唔叫會戰,比如話一啲攻城戰。舉個例,英國內戰嘅第一場會戰係伊珠丘戰役英文Battle of Edgehill,呢場戰役就係保皇派同議會派集合兵力後打嘅激烈會戰。而會戰可以由最初嘅短兵相接發展而來,比如美國內戰蓋茨堡之役,最初時就係兵家路窄,兩方指揮官決定退守敵對,最終演變成會戰。

一般來講,會戰嘅目的係要將對方全殲,最起碼要擊潰對方、打擊佢嘅有生力量,所以會戰嘅規模好大,亦好激烈,就近代以來軍制,打場會戰所需軍力去到以上。打會戰係要揀過地方,入面就有動機。一般來講打會戰唔會揀地形複雜嘅地方,因爲噉樣唔方便打場大仗,但係就好適合打遊擊戰。喺近代之前,會戰係相比遭遇戰、前哨戰緊要嘅大戰,不過隨住軍事思想武器變化發展,會戰嘅意義、頻率已經降低。

[編輯]

喺出現近世嗰種可以調動一切資源嘅國家戰時體制之前,國家領導者使得嘅戰力好有限。因爲會戰嘅目的係要將敵手嘅軍力徹底擊滅,所以會戰係對戰爭形勢好大影響嘅戰役,有時甚至決定結局。既然戰力有限而會戰緊要,受制限戰爭思想影響,會戰時唔求完全消滅對手、片甲不留,達到想要嘅效果就好收,所以就算身處下風甚至劣勢都好,只要敵手未得逞、自己嘅有生力量重保得住,噉都算係贏咗場會戰。

19世紀之前,會戰喺指揮官心目中依然係好緊要嘅大戰,嗰陣時一般會戰浄打一日,時間唔長。不過之後出現國家戰時體制,於是兵力大增,武器亦先進過舊日,戰區亦大過過往。到一戰時,戰綫蔓延,結果會戰嘅時間明顯延長,甚至乎變成持久戰,不過當時重係習慣將大規模嘅戰役嗌做會戰。

到現代,戰爭更講求機動,而會戰呢種正面衝突嘅陣地戰相比無咁靈活,所以大規模嘅會戰越來越少見。

睇埋[編輯]

[編輯]

  1. p. 649 互聯網檔案館歸檔,歸檔日期2015年9月23號,., Blackwood's
  2. 牛津英文辭典, Second edition 1989. battle, n. 1.b "With various qualifying attributes: ... pitched battle, a battle which has been planned, and of which the ground has been chosen beforehand, by both sides ..."

參攷資料[編輯]