月半小夜曲

出自維基百科,自由嘅百科全書
Jump to navigation Jump to search

月半小夜曲》係香港男歌手李克勤嘅經典歌曲,改編自日本女歌手河合奈保子作曲並主唱嘅Half Moon·Serenade(ハーフムーン·セレナーデ),填詞向雪懷,編曲杜自持。首歌喺1987年推出,並收錄喺專輯《命運符號》入面,係李克勤嘅首本名曲之一。1989年李克勤再次重新灌錄首歌後再次受歡迎。

李克勤喺香港電台電視節目《我們都是這樣唱大的II》向主持人區瑞強透露,當年《月半小夜曲》原本由關正傑主唱(佢喺同年退出歌壇),之後輾轉由李克勤主唱。

簡介[編輯]

《月半小夜曲》嘅日文原版都係相同意思,歌曲同歌詞都表現出幽怨同傷感,描繪出故事嘅主人翁跟伴侶分手嘅傷痛經歷[1]

其他版本[編輯]

《月半小夜曲》有幾個翻唱版本,以下係比較出名嘅版本:

  • 容祖兒(2002),同李克勤合唱 [2]
  • 鄧紫棋(2004),13歲就讀中學時期,以本名「鄧詩穎」喺校內參賽演唱,只短短收錄23秒片段。除此之外,並添加絲帶舞表演。[3][4]
  • 陳慧嫻(2008),喺佢活出生命演唱會中演繹,呢個版本普遍認為係非常高水準,堪比原唱,喺中國大陸傳唱度較高[5]
  • 陳樂基(2014),喺《中國好聲音3》演唱,令評判一致讚賞,並且喺中國大陸好受歡迎。原本《月半小夜曲》的風格應為傷感,而陳樂基版本就表現到好激昂。
  • Lân Nhã(2015),翻唱越南版 歌名:情濃 Tình Nồng
  • 容祖兒(2016),喺湖南衛視《我是歌手4》第七期演唱,並攞到嗰集觀眾票選第三名、歌手互投第二名。
  • 林秉材(2017),專輯《誤會》嘅其中一首歌,改編詞:向雪懷,由南方唱片機構發行。
  • 周深(2019),喺東方衛視我們的歌》節目入面同李克勤合唱,兩人成為嗰集節目嘅擂主(第一名)。[6]

參考[編輯]

  1. 經典80s 李克勤 - 月半小夜曲
  2. youtube:容祖兒- 月半小夜曲
  3. 【珍貴片段流出】宇宙巨G.E.M.鄧紫棋 13歲唱歌比賽被out:月半小夜曲+絲帶舞表演
  4. G.E.M. 13歲唱歌比賽片再被出土 原名鄧詩穎出戰:當日好緊張
  5. youtube:陳慧嫻 - 月半小夜曲
  6. "【看點】李克勤 周深《月半小夜曲》《我們的歌》EP2 20191103 [東方衛視官方高清]". YouTube. SMG上海電視台官方頻道 SMG Shanghai TV Official Channel. 喺2019-11-03搵到.