朱由檢

朱由檢畫像

朱由檢（1611年2月6號—1644年4月25號）係大明第十七任皇帝，1627年到1644年在位，跟廟號叫明思宗，因為年號係崇禎，又叫崇禎皇帝。

朱由檢一生勤於政事，但佢生性多疑、剛愎自用，唔單止枉殺袁崇煥，重成為大明王朝嘅亡國之君。1644年，朱由檢喺煤山上吊自殺。

南明小朝廷得知朱由檢嘅死訊之後，為佢上廟號思宗，之後改為毅宗、威宗。大清朝廷追謚守道敬儉寬文襄武體仁致孝莊烈愍皇帝（曾上廟號懷宗，但後來廢咗），明安宗朱由崧上謚號紹天繹道剛明恪儉揆文奮武敦仁懋孝烈皇帝。

家庭

兄弟

1. 熹宗朱由校
2. 簡懷王朱由㰒
3. 齊思王朱由楫
4. 懷惠王朱由模
5. 湘懷王朱由栩
6. 惠昭王朱由橏

仔女

仔

1. 獻愍太子朱慈烺，母孝節烈皇后周氏，崇禎二年（1629年）二月初四出世，李自成敗退時唔知去咗邊。
2. 懷隱王朱慈烜，母孝節烈皇后周氏，崇禎二年十二月初三出世，好快就死咗，崇禎三年二月初二叫禮部定諡號追封，崇禎五年正月二十二葬喺翠微山之原。
3. 定哀王朱慈炯，母孝節烈皇后周氏，1644年唔知去咗邊。
4. 永悼王朱慈炤，母恭淑端惠靜懷皇貴妃田氏，1644年唔知去咗邊。
5. 悼靈王朱慈煥（1633年－1637年），母恭淑端惠靜懷皇貴妃田氏，崇禎帝第五個仔。民間講嘅「朱三太子」，就係將朱慈煥誤當係朱慈炯，傳言佢重未死，所以清兵入關之後，好多人假借佢嘅名義起事，意圖反清復明，造成清政府嘅統治難題。
6. 悼懷王朱慈燦，母恭淑端惠靜懷皇貴妃田氏，崇禎十年出世，崇禎十二年三月二十七號死，追封悼懷王，同年九月十六號葬翠微山之原。
7. 悼良王，母恭淑端惠靜懷皇貴妃田氏，三歲殤。

出面網頁

• 郭沫若：甲申三百年祭
• 傅增湘：wikisource:zh:甲申三百年紀念碑
• 周同：被瘟疫滅亡的明朝
• 華瑋：〈誰是主角？誰在觀看？──論清代戲曲中的崇禎之死〉。