朱頂紅屬

小華胄。花、葉、球莖。

球莖

花細節

華胄蘭

朱頂紅屬，草本一類，生物分類一屬，多年生，有鱗莖，歸石蒜亞科朱頂紅亞族。呢類花叫朱頂蘭、朱頂紅。物種繁多，有一百一十六種，當中有種叫朱頂紅，而雜種、栽培品種過六百。原生美洲熱帶同亞熱帶，南墨西哥到亞根廷，以及加勒比海一帶。初時同南非洲孤挺花屬放埋一齊，後尾分開，就算兩者學名分開，西洋民間有時叫佢孤挺花，從而混淆。朱頂紅屬極受園藝者喜好，花色變化多端，栽培品種繁多。

大多有大球莖，有肉地。葉帶狀，高大闊，常綠為主。花大朵，有紅有紫。過去百年，培育出無數花色，極多栽培品種。

石蒜科一屬，中間有石蒜亞科、朱頂紅族、朱頂紅亞族。多年來，無論植物學家、植物收藏家，加埋大眾，都成日撈亂孤挺花屬、朱頂紅屬。前者出自南非，後者出自新世界美洲。不過，俗名孤挺花叫朱頂紅屬有好多年，尤其觀賞品種。北半球西曆十一二月聖誕節期間，通常會當做室內開花球莖賣。朱頂紅屬入面，其實有好多附生物種。樹枝分叉處，有天然碎屑、枯葉堆，佢就生喺入面。相比之下，孤挺花屬出自南非，同樣多年生球莖植物，但生地生。

拉丁學名Hippeastrum，學名取自古希臘語，意思是騎士之星。ἱππεύς，拼音hippeus，意思是騎士。ἄστρον，拼音astron，意思星星。

描述

朱頂紅

三瓣蒴果

雌蕊、雄蕊

雄蕊有白細絲，尾端花藥帶花粉

鱗莖被膜質，有乾外層保護性，入面肉質同心圓鱗片、葉基。直徑五到十二公分間，會生出兩到七片葉，襟擺，常綠、落葉都有。葉長度卅到九十公分，闊二公釐半到五公釐。先有花、後有葉，無葉柄，直接生喺莖、花梗度，好少長留，有少數近似有葉柄。

散形花序，花稀疏到多，兩到十四朵，靠直立、中空花葶支撐。花莖高廿到七十五公分，直徑二公分半到五公分，基部帶有兩塊唔同苞片，形成佛焰苞，有兩瓣裂、帶有游離裂片仔。

物種唔同，花亦唔同。一株兩到十五朵，又大又搶眼。大體左右對稱，兩性花。直徑十三到廿公分，原生物種有紫有紅。花形漏斗狀，向下垂，花尖向上微曲。花有花被片六片，鮮艷，外輪三片萼片，內輪三片花瓣。外觀可以好似，又或者完全唔同。花被片長度相若，又或長短不一。花被片基部合生成一條短筒，喉部通常帶有退化鱗片狀副花冠，並伴有流蘇狀結構，或胼胝質脊。

雄蕊由六條花絲組成，花絲束生，彎下或彎上。花藥為背著藥或丁字藥。雌蕊羣，子房下位，三室，一室有多顆胚珠。花柱呈絲狀，柱頭三裂。果實形成三瓣裂蒴果，內含種子。種子乾燥、扁平、斜向有翅，或不規則圓盤狀，幾乎從不膨脹，呈球形或近球形。種皮帶植物黑素，有棕有黑色。

語源

屬名由植物學家威廉靴拔命名，源自古希臘文，騎士之星咁解，上馬騎士，ἱππεύς，hippeus。同埋星星，ἄστρον，astron，組合而成。形容當時確認第一種物種，華胄蘭。

佢建議呢個同林奈孤挺花屬分開，新屬命名意思。

分佈

有兩個生物多樣性中心，一喺巴西東部，二喺安地斯山脈，即祕魯、玻利維亞、亞根廷中南部，即東面斜坡同就近山麓。有啲品種甚至向北生，生到墨西哥同西印度羣島。呢屬源自巴西，當地搵到最少卅四物種。

棲息地主要熱帶、亞熱帶，不過有生喺南半球，或高海拔，亦可以當係溫帶植物。環境好廣泛，好多喺叢林底，樹底陰暗處，但亦有中意曬太陽。狹葉朱頂蘭中意水浸，而他品種就中意乾爽。亦有附生物種，生喺其他樹上面，好似宮殿朱頂蘭、綠花朱頂蘭、蝴蝶朱頂蘭同附生朱頂蘭，呢啲物種，啲根要空氣流通。

生態

物種通常二倍體，染色體廿二對，但有啲物種好似蝙蝠朱頂蘭就有廿四對。屬間物種有雜交相容性，即容許雜交。

特例來講，不育物種如烏拉圭有柄朱頂蘭，不育三倍體，生唔到種子，要用無性繁殖，母球莖周圍生好多球莖仔。球莖仔好輕，容易浮傳播，雨季期間散播出去。白肋朱頂蘭可以自花授粉，散佈種子繁殖。咁自然種羣沙咗基因多樣性，但入侵物種會廣泛採用。呢兩例唔並非典型，一般會異花授粉繁殖。限制自花授粉機制之一，有自交不親和性，祇同其他植株授粉，先有種子。此外，柱頭有受粉能力之前約兩日，就釋放花粉，更易異花授粉。亞熱帶地區會借蜂鳥、飛蛾傳粉。

病、害蟲

鱗翅目幼蟲會食佢。有彩灰翅夜蛾、粉蚧科、大水仙蠅、洋蔥平顏蚜蠅、疣腿平顏蚜蠅。又有薊馬、蟎、蚜蟲、蝸牛、鼻涕蟲。真菌水仙殼多孢菌，會出紅斑病。另外，草蜢食葉，球莖周圍啲泥產卵，春天孵化出大量若蟲，成樖都會畀若蟲覆蓋。

保育

國際自然保護聯盟紅色名錄 ，以下物種自然棲息地退化，劃入易危到受到威脅。

• 附生朱頂蘭。亞根廷
• 鳥花朱頂蘭。亞根廷
• 艱氏朱頂蘭。烏拉圭
• 法拉利朱頂蘭。秘魯
• 有柄朱頂蘭。亞根廷、巴西

用

跳舞女王一月室內開花

栽培品種好受歡迎，做室內觀賞植物。花又大又鮮艷，紅、粉紅、三文魚紅、橙、白。花卉種植業，賣鮮切花，賣盆栽，都好重要。市場主要由荷蘭、南非主導，但其他產區有以色列、日本、美國佛羅里達州。另外，巴西年年出一千七百萬個球莖。

檢出至少六十四種異喹啉生物鹼，由於其生物鹼含量高，具有抗寄生蟲，例如朱頂紅生物鹼，以及精神藥理活性。綫縞華胄蘭分離出生物鹼，叫高山網毬花鹼，有抗抑鬱、抗痙攣、抗焦慮特性。石榴朱頂蘭有療效，民間醫學治腫脹、傷口。

象徵

舞蹈病，神經系統退化遺傳病，用佢栽培品種做象徵。亨丁頓舞蹈症係一種。象徵頭同膊頭雙重影像，好似樖生長中、充滿活力花咁。象徵舞蹈病人體機能衰退。葉代表全球舞蹈病社羣，尋求治療，過程當中受保護、目標、生長、發展。