李國永
| 李國永 David Li Kwok Wing | |
|---|---|
 李國永2021年喺商場現身並接受傳媒訪問 | |
| 出世 | 2002年9月8號 香港 |
| 屋企 | 香港 |
| 國籍 | 中國（香港） |
| 別名 | Lunch哥、un腳寶寶、David仔 |
| 教育程度 | 中學 |
| 母校 | 中華基督教會燕京書院 |
| 職業 | 中學生、KOL |
.png)
李國永（英文：David Li Kwok Wing，Lunch哥，譯名撚柱哥，2002年9月8號—），香港學生，2020年喺香港反送中運動入面因為和你Lunch嘅示威活動而出名，開設有「Lunch哥的抗爭生涯」Facebook專頁同埋以「Lunch哥星級抗爭團隊」嘅名義組織活動。但係之後畀人揭露咗一啲負面新聞，加上一啲爭議性言行，令一啲民主派人士同埋反送中運動嘅示威者都對佢持負面態度，畀一啲網民話佢「玩膠」[1]。佢中學讀中華基督教會燕京書院。
政治參與同爭議
[編輯]李國永廣為人知嘅政治參與，係佢喺香港反送中運動嘅參與。其中喺呢場運動入面，有人發起和你Lunch行動。呢樣行動後嚟式微，但李國永仍然參與其中，後來就獲得「lunch哥」嘅封號。佢形容自己曾經係港豬，但係睇到無數示威者被香港政府、警察用暴力手法應對，覺得睇唔過眼所以要走出嚟[2]。不過，佢曾經被指唔尊重，其他抗爭者騷擾女抗爭者等。佢亦承認曾經試過向對象發送性器官嘅照片[3]。另外，佢亦曾經作出一啲被指係尋找他人關注，同親中派友好嘅行為，民主派區議員張秀賢同王進洋都先後呼籲Unlike 佢個 Facebook頁[4][5]。
反送中運動參與
[編輯]喺反送中運動入面，有人發起和你Lunch行動。呢樣行動後嚟式微，但李國永仍然參與其中，後來就獲得「lunch哥」嘅封號。佢又曾經喺陳彥霖案審訊期間，向當時被一啲人指喺「假老母、戲子」嘅陳母何姵誼舉中指同埋以粗口辱罵[6]，後來仲被控因而非法集結[7]。
不過，佢後來就因為參與示威活動期間穿着校服，結果畀學校要求停課[8]。另外，佢經常以星級抗爭團隊自居，又試過去警察總部交請願信嘅時候同警察握手，呢啲都引起一啲人嘅不滿[9]。
露械事件
[編輯]李國永曾經喺交友軟件向對象發送性器官嘅照片，不過佢就話自己係你情我願，形容事件被揭發後自己有陰影[3]。
12港人案
[編輯]喺12港人案入面，十二個曾經參與反送中運動嘅港人喺2020年8月23號喺香港水域被中國海警越境捉走，之後一路被禁錮喺深圳鹽田看守所嘅事件。等候去到開審個陣，佢喺自己嘅 Facebook Page 開設有獎問答遊戲，叫網民估下判刑，仲話估中嘅話可以獲得佢嘅簽名一個，價值一億港元。佢嘅做法引起咗一啲民主派人士嘅不滿，其中張秀賢就批評佢係尋找他人關注（Attention Seeker），叫人快啲 Unlike 佢個 Page[4]。
發放假資訊
[編輯]李國永喺2020年12月28號喺自己Facebook專頁聲稱自己北上深圳聲援12港人，又吹水話自己「成功申請用緊急情況豁免14日檢疫」，之後又上傳喺海底撈食嘢嘅相。由於當時關口仲未解封，而且嗰張海底撈相畀人發現係網上圖片，所以李國永畀網民批評佢講大話[10][11]。佢為咗提升自己嘅存在感，之後更加多次喺自己專頁入面，偷其他航空愛好者乘搭飛機時影嘅相，聲稱自己去外國聲援其他社會運動，但係發帖無耐後又出席香港嘅靜坐活動，加上帖文內容破綻百出（例如訛稱自己乘搭國泰航空嘅波音747-400客機，但係實際上呢款機種已經喺2016年退役；之後，佢再次訛稱自己乘搭機場快綫去緊機場，但係上傳嘅相係一列東鐵綫SP1900嘅頭等車廂），所以再次畀網民識破。
評價
[編輯]市民對李國永嘅評價有兩極化，有網民覺得佢嘅行為「膠化」抗爭，經常做啲好唔理智或者有爭議性嘅行為，對抗爭毫無幫助之餘，仲矮化抗爭者[12]，部份網民甚至以「白卡仔」（智障人士）嚟形容佢[13][14][15]。但係亦有部分網民覺得佢即使孤身一人仍堅持抗爭，敢於為唔公義發聲，值得欣賞[13]。
唔少政治人物亦對曾對李國永作出評論。前香港眾志秘書長黃之鋒曾經喺Facebook批評佢部份行為，例如向警方請願並握手一舉好費解[16]，前中大學生會會長岑敖暉亦指佢行為好嘔心[17][16]，時事評論人健吾亦批評李經常成日講大話，較適合做立法會議員[18]。但係亦有政治人物持相反意見，認為錯嘅唔喺李國永身上。熱血公民主席鄭松泰曾經喺Facebook發文斥責批評者係「欺凌弱勢社群」，應用行動感化、教育對方，而唔係割蓆、二次欺凌[18][19]，副主席鄭錦滿亦將矛頭指向《蘋果日報》、《立場新聞》等傳媒機構，認為佢嘅「左膠」行為係傳媒縱容而成[18]。
相關案件
[編輯]李國永被指喺2020年8月一宗死因聆訊休庭時，喺法院出面以粗口辱罵證人，俾律政司加控刑事藐視法庭罪，案件2021年4月12號喺香港高等法院提訊。由於李國永法援申請被拒，無律師代表，但係佢將就法援署嘅決定提出上訴，申請將本案押後再訊。
李國永老豆一度話，佢患有自閉症同過度活躍症，驚佢答辯有啲問題，希望可以代佢抗辯。陳官拒絕老豆要求，直言：「高等法院處理唔少案件，好多被告都話自己精神有問題，但唔代表可以抗辯成功」，又覺得：「如果咁嚴重唔會讀到中六㗎嘛，中六都有返咁上下㗎嘛」。
法庭已就本案頒下匿名令，禁止傳媒披露案中所有證人身份，包括事主同警員證人[20]。
參考
[編輯]- ↑ 〈Lunch哥拎緊12港人黎開玩笑玩膠〉。
- ↑ 〈堅持「午飯抗爭」不懈：「lunch哥」David專訪〉。Radio Free Asia。喺2020-12-28搵到。
{{cite web}}: CS1 maint: url-status (link) - ↑ 3.0 3.1 〈疑似露械照網上流傳 Lunch哥認衰稱你情我願〉。《on.cc東網》 (香港中文)。喺2020-12-28搵到。
- ↑ 4.0 4.1 〈Tommy Cheung 張秀賢〉。www.facebook.com。喺2020-12-28搵到。
{{cite web}}: CS1 maint: url-status (link) - ↑ 〈王進洋Wong Chun Yeung〉。www.facebook.com (英文)。喺2021-01-03搵到。
- ↑ 〈陳彥霖家屬庭外被追罵 消息指「lunch 哥」涉公眾地方行為不檢被捕 | 立場報道 | 立場新聞〉。《立場新聞 Stand News》。原著喺2021-03-04歸檔。喺2020-12-28搵到。
- ↑ 〈被指庭外追罵陳彥霖母 「Lunch哥」等遭改控非法集結 加控藐視法庭 | 立場報道 | 立場新聞〉。《立場新聞 Stand News》。原著喺2021-01-15歸檔。喺2020-12-28搵到。
- ↑ 鄧栢良 (2020-09-30)。〈「Lunch哥」穿校服示威「使學校陷政治漩渦」 被校方罰停課2日〉。《香港01》 (香港中文)。喺2020-12-28搵到。
- ↑ 〈Lunch哥與警察握手交請願信被罵 本人稱：只係基本禮貌不要太苛黑〉。winandmac.com。2020-10-07。喺2020-12-28搵到。
{{cite web}}: CS1 maint: url-status (link) - ↑ 〈【網議政事】偷圖扮北上「抗爭」 Lunch仔犯眾憎〉。文匯報。2020-12-28。喺2021-02-16搵到。
- ↑ 〈"港独"这次的操作，未免太可笑〉。網易。2020-01-01。原著喺2021-04-17歸檔。喺2021-02-16搵到。
- ↑ 〈4點鐘調查你｜Lunch哥，你點睇「膠化」抗爭〉。果燃台。2020-10-14。原著喺2021-04-17歸檔。喺2021-02-16搵到。
- ↑ 13.0 13.1 引用錯誤 無效嘅
<ref>標籤；無文字提供畀叫做rfa嘅參照 - ↑ 引用錯誤 無效嘅
<ref>標籤；無文字提供畀叫做standnews2嘅參照 - ↑ 〈「Lunch哥」大遊行no show 網民篤爆一早「縮沙」〉。點新聞。2020-09-07。喺2021-02-16搵到。
- ↑ 16.0 16.1 引用錯誤 無效嘅
<ref>標籤；無文字提供畀叫做vj嘅參照 - ↑ 引用錯誤 無效嘅
<ref>標籤；無文字提供畀叫做wenweipo2嘅參照 - ↑ 18.0 18.1 18.2 引用錯誤 無效嘅
<ref>標籤；無文字提供畀叫做wenweipo3嘅參照 - ↑ 引用錯誤 無效嘅
<ref>標籤；無文字提供畀叫做mingpao嘅參照 - ↑ https://hd-stheadline-com.cdn.ampproject.org/v/s/hd.stheadline.com/amp/news/realtime/hk/2044797/?amp_js_v=a6&_gsa=1&usqp=mq331AQHKAFQArABIA==#aoh=16184014297578&referrer=https%3A%2F%2Fwww.google.com&_tf=From%20%251%24s「lunch哥」涉藐視法庭押後訊 互聯網檔案館嘅歸檔，歸檔日期2021年4月14號，. 官提醒指控嚴重「佢都幾出名㗎嘛」